影片
更多
2017-12-29
544 浏览
稻乙今晚同朋友決定食一餐好嘅準備過聖誕，朋友提議試下寶勒巷嘅日本餐廳，餐廳已經唔會有聖誕氣氛，座位分有榻榻米廂房，適合一大班人；壽司吧枱，同埋私隱度極高可以坐二至四人嘅包廂。甫坐下，店員已經端上熱毛巾，相當好細心呢。由於我們是當晚餐廳的第一台客人，所以四周嘅環境都比較清靜，讓我們能夠細心地研究當晚嘅餐單，正在猶豫之際，店員我們推介廚師發辦＄788。廚師發辦有幾種選擇，我們選擇了＄788稻乙套餐，包括前菜、刺身、燒物、一品料理、天婦羅、甜品等等…… 這個價錢能夠享用數款精緻嘅日本料理，實在非常吸引，讓我們交給廚師發辦吧。第一次食廚師發辦，感覺好新奇。因為每一道菜都充滿驚喜，好期待下一道菜嘅來臨，先有蟹肉沙律和日本凍番茄作為前菜，好開胃。繼而刺身拼盤來到了，包括：。甜蝦。油甘魚。拖羅。赤貝。亮點係比較少有的——八角魚。雖然八角魚外表很醜，有八隻角，帶點兇神惡煞，但係極之珍貴，係深海嘅海底，不容易捕獲。肉質非常嫩滑，十分鮮甜，只會係秋冬季節出沒，所以呢個時候係最適合品嚐。店員特別提醒我們，八角魚不需要沾上豉油和Wasabi，上面已沾上醬汁和特製的辣蘿蔔蓉，肉質彈牙爽口鮮甜。
燒物共有三串：。
今晚同朋友決定食一餐好嘅準備過聖誕，朋友提議試下寶勒巷嘅日本餐廳，餐廳已經唔會有聖誕氣氛，座位分有榻榻米廂房，適合一大班人；壽司吧枱，同埋私隱度極高可以坐二至四人嘅包廂。甫坐下，店員已經端上熱毛巾，相當好細心呢。由於我們是當晚餐廳的第一台客人，所以四周嘅環境都比較清靜，讓我們能夠細心地研究當晚嘅餐單，正在猶豫之際，店員我們推介廚師發辦＄788。
廚師發辦有幾種選擇，我們選擇了＄788稻乙套餐，包括前菜、刺身、燒物、一品料理、天婦羅、甜品等等……
這個價錢能夠享用數款精緻嘅日本料理，實在非常吸引，讓我們交給廚師發辦吧。
第一次食廚師發辦，感覺好新奇。因為每一道菜都充滿驚喜，好期待下一道菜嘅來臨，先有蟹肉沙律和日本凍番茄作為前菜，好開胃。
繼而刺身拼盤來到了，包括：
。甜蝦
。油甘魚
。拖羅
。赤貝
。亮點係比較少有的——八角魚。
雖然八角魚外表很醜，有八隻角，帶點兇神惡煞，但係極之珍貴，係深海嘅海底，不容易捕獲。肉質非常嫩滑，十分鮮甜，只會係秋冬季節出沒，所以呢個時候係最適合品嚐。店員特別提醒我們，八角魚不需要沾上豉油和Wasabi，上面已沾上醬汁和特製的辣蘿蔔蓉，肉質彈牙爽口鮮甜。
燒物共有三串：
。蒲燒野生鰻魚
。日本青椒
。牛肋骨肉
野生鰻魚令人一試難忘，一般食肆嘅燒鰻魚顏色比較深，因為用上大量嘅醬汁掩蓋唔新鮮，但係呢度嘅蒲燒鰻魚肉質好結實，店員話係餐廳特別燒製及用上少量的秘製醬料烹調，突出鮮味。由於鰻魚好新鮮，所以醬汁不需要太多。日本青椒串配合木魚碎， 感覺清新爽口。牛肋肉，牛肉味濃，肉質軟稔嫩滑，配合略帶甜味嘅醬汁。讚。
清酒煮蜆，略為一般，湯底有點淡，幸好蜆十分大隻，十分新鮮，亦沒有沙。
魚湯稻庭烏冬
原來係鎮店招牌菜，奶白色嘅魚湯配以稻庭烏冬，一看魚湯的顏色便知道用料充足，色澤比一般嘅魚湯更奶白色， 一問之下，原來由四至五種鮮魚以上煲成，每日限量供應。湯底真係十分鮮甜濃郁，亦沒有腥味，對於不喜愛吃魚的我也讚不絕口。
最後店員奉上雪糕作為完結，呢一餐食得好滿意，每一道食材都係新鮮而且高質素，性價比好高，除咗有榻榻米之外，亦都有私隱度好高嘅卡位廂座，感覺私隱度好高。下一次都會再嚟光臨。
總括來說，餐廳食材新鮮，用心烹調，讓我和朋友渡過了一個愉快嘅晚上。
溫馨提示：
由於餐廳仲係新開張，午市星期一至五供應，有八折優惠。
憑單據，下次惠顧晚市更加有九折優惠呢。
餐廳真係好細心，洗手間入邊竟然有女性用品供應，真係加分不少！
餐廳服務真的十分值得讚賞,侍應們都彬彬有禮,當我們離開之際,秉承了日本人對客人至上的態度,一直送我們到電梯。
张贴
