Ricco (已結業)

落車見到呢間小店，晚飯時間都幾多人買外賣，一於試吓。呢度有啲香口小食、飯、意粉、牛角包等等，選擇都唔少。小電即叫即製，食物都要等一陣。今晚食咗好豐富嘅公司飯同埋炸雞髀蛋蓋飯。公司飯有雞胸、司華力腸片、漢堡扒同埋流心蛋，好多餸，啱晒大食嘅寶寶！炸雞髀蛋蓋飯好正，不過等得耐少少，雞髀新鮮炸起，非常香脆，好好食！！！香口小食我哋揀咗炸魚薯條同埋單骨雞翼。炸魚薯條份量都幾多，又係新鮮炸起，好味👍🏻單骨雞翼味道淡咗少少，如果濃味啲就更加正～再嗌埋杯咖啡同埋柑桔蜜綠茶，咁就係一個豐富嘅晚餐喇👍🏻