影片
相关文章
Intro: 长沙湾有唔少嘅小店，呢一日就去左试一间小店，呢到有几个套餐做选择，而发玩呢到嘅全日早餐都只系$58，餐牌卖相几吸引，于是就试试啦～ ___________________🍽 All day breakfast💰 58 （配热饮）⭐️ 6.5/10✍🏻 虽然全日早餐嘅种类都多，但卖相麻麻地，而份量都系点到即止；✍🏻 呢到除左多士外仲有牛角包做选择，但牛角包偏冧，面包质感较实；✍🏻 呢到嘅炒蛋面几滑而奶味够，份量更多就更好；✍🏻 香肠、烟肉、汉堡扒、沙律就正常发挥，$58嘅价钱都收货。___________________🏠 Ricco (CSW)📍 长沙湾青山道195号地舖⭐️ 6.5/10___________________
继续阅读
I saw the comments on social media and it seems like it's presentation was not very good because it used the paper Box but in terms of the price and the Quality of food which is pretty good....it is value for moneyBy the way the drink is so so and pls don't have much expectations
继续阅读
路经见到细细间,环境睇落几舒适,似西式又好似快餐店形式嘅Ricco,就同同事入去试下佢嘅全日套餐拣咗每人一款主食再咗小食🤩▶️京葱肥牛蛋饭$58😋滑蛋软滑juice,饭嘅份量都足够,肥牛亦好入味😋追加咗扇贝+$18😍都有三大粒,煎得干身！▶️蒜香海鲜意粉$78🤤用咗劲多蒜去炒香意粉,鱼柳好嫩滑,仲有虾,蚬肉,好丰富,又好味!!另加香芋地瓜丸--$24🥰外脆内软香甜烟韧,即叫即炸热辣辣出炉,好味又Q弹🍡配上热/冻咖啡都不错☕总括嚟讲食物味道ok又抵食👍
继续阅读
过到嚟九龙 我成日都会嚟试呢一间呢地铁站唔远嘅西式cafe因为安静嘢食多种类 同埋可以慢慢坐低食嘢休息呢度环境好舒服 畀你一种 可以喺城市中忙里偷闲喘息嘅感觉 好chill嘅感觉. 食物包括意粉牛角包都好有水准而今日我就食咗 卡邦尼慢煮温泉蛋鸡肉炒意粉用料丰富意粉好弹牙 温泉蛋 煮得刚刚好 高分水准 #水牛城鸡翼 好有特色果然冇失望 用特式辣酱焗出嚟少少辣 一盒有四件 都算好抵食 好开胃 味道独特点咗意粉跟餐可以拣冻饮或者汤 我就拣咗南瓜汤感觉健康煲到 好creamy 好香浓好饮冬天啱晒 钟意你呢度可以慢慢坐返个下昼 见下朋友倾下偈啱晒
继续阅读
今晚同老婆都做一晚「无饭夫妻」，因为佢忙，我又忙，大家懒一晚费事煮，索性买外卖返屋企食。咁住喺长沙湾嘅亲友推介呢间西餐厅「Ricco」，话佢哋嘅出品唔错，加上外卖自取又有9折，叫我不妨试吓。 餐厅门面窄窄，望入去都唔觉得大，但原来个铺好深长，只喺弯嚟弯去，用餐区就分开咗几截而已。整体以简约木系装修为主，四周墙上就挂咗好多装饰画作点缀。 宁宁舍舍晌门口仲有两个位，原来喺店主专登鎅出嚟俾啲带宠物嘅客人坐。睇睇个外卖单张，食物选择好多元化，小食啦、牛角包啦、汤品、饮品、主食方面有多种饭品、温泉蛋系列、咖喱汁蛋盖饭系列、意粉……等等。而且，有好多加配优惠，呢度采用柜位落单，再听号码到出面取餐。 另外，收银侧有个显示屏，仲有啲全日套餐，喺抵食之选，定价$58-$78，包埋热饮，除可以加钱升级饮品外，更可以加$10追加一个汤，你话喺咪化算好多。 嗌咗一个小食、两个主食、一客汤及一杯饮品，一大袋食物，夹夹都只折咗都只喺$184，仲食得我哋好饱。 水牛城鸡翼 $35以加配价试番一份水牛城鸡翼，非常之抵，一客有4四大只，鸡翼腌得入味，加上落嘅酱料足，食落超惹味，酸酸甜甜，又有份烟熏香，拎到返屋企食都仲保持到皮脆肉嫩，实在好正！ 罗宋汤 +$20老婆一向钟意饮汤多过饮啲嘢饮，尤其啲蔬菜类汤品，所以，专登嗌呢个罗宋汤俾佢。大赞个汤好饮，除咗味道浓郁之外，酸香细致，仲带少少辣劲，汤内又有好多材料。 芝士焗南瓜汁海鲜饭 $78南瓜汁向来都喺我同老婆嘅「飞弗」，所以，拣咗呢个焗南瓜汁海鲜饭，个焗饭都喺即叫即焗，所以，相对等得比较耐，不过，等耐啲都值得，因为个焗饭真喺好得。南瓜汁底加埋啲芝士，令到啲饭好好味，加上饭粒软熟，而海鲜料包括鲜虾啦、蚬肉啦、鱼柳啦，用料不赖，味道鲜甜，唔错！唔错！ 鲜茄杂菜炒意粉 $58老婆话佢嘅炒意粉有惊喜㖞，呢个意粉属于清新型，因为一嚟喺素食，只有杂菜，二嚟喺蕃茄汁底，所以食起嚟比较清新，三嚟个蕃茄汁几浓郁，茄味酸香鲜活，啲意粉又炒得啱啱好，好有咬口，再者，啲茄子、翠玉瓜都食得出另外炒过，唔喺烚完就咁加落去，食味一流，虽然简简单单，但就啱晒佢口味！ 拿铁 +$10西餐都喺拣番杯咖啡作结，好搞嘢，拣普通咖啡、泡沫咖啡、拿铁都喺加同一个价钱，所以，无理由唔拣拿铁啦。虽然唔喺咖啡店冲泡嘅层次，都喺机冲，但质素亦唔差，咖啡味几醇和，况且，只喺加$10，你仲想点！ 我老婆都几嘴叼，佢平时食嘢都好少赞，不过，今次呢餐外卖除咗啲嘢食啱佢口味，做菜嘅质素确喺有番咁上下，所以，佢都赞呢一餐好食，真喺多谢亲友嘅好介绍。
继续阅读