喜多嬉牡蠣屋 (已結業)

之前已經好鍾意呢間餐廳，因為佢哋個頭盤好靚好靚✨❤️靚靚八種懷石料理，淨係用嚟打卡已經值回票價，朋友仔本身唔知道生蠔都係任食，佢真係嚇親因為覺得好抵！放題入邊包左懷石料理、海鮮湯、生蠔、焗蠔、串燒、甜品、飲品！入面嘅生蠔、焗蠔、焗帆立貝、串燒、飲品全部都係任飲任食🙀而家仲係兩個鐘頭！嘢食嘅質素真係冇得輸，生蠔、海鮮、串燒全部都係高質素，絕對唔係連加放題。餐廳已經佈置左聖誕裝飾，燈光暗暗地，非常之有情調！一坐低職員就攞咗個茶壺過嚟，原來係海鮮湯咁樣嘅上菜方式真係好靚，飲完湯之後入邊原來有好多海鮮，有元貝、蝦同蜆肉等等。懷石料理真係好靚，每一碟都好精緻，我最鍾意就係炭燒活鰻，鰻魚皮焦脆，唔會太多汁，比較乾身脆脆地好食。蟹肉羊羹賣相好靚睇落去好似啫喱，咬落去會食到一絲絲蟹肉，清清地已經好出色！前菜方面本身係味醂魚乾，師傅話冇貨，所以轉咗做原隻炸蝦🍤隻蝦本身接近手掌咁大隻，全隻都炸得均勻，基本上蝦殼都可以食埋😋終於去到生蠔部份😍生蠔唔算好大隻，但係味道香濃，上面仲有少少啫喱醋同蘿蔔蓉調味，就咁食已經好好食，感覺回本！本身自己好鍾意食生蠔以為已經好正，但係焗帆立貝、蠔同樣好出色，帆立貝大大粒，有蒜