3rd Space (已結業)

自從西營盤有左地鐵後，常常來這區搵食，無他嘅，因為呢區開了很多特色又休閒嘅小店，今日揀左3rd space 就係衝住佢地嘅Pancake 來的。小店裝修好搶眼，係畫上好多日系人像，色彩繽紛好多打卡位。鹽燒西冷薄切牛扒慢煮蛋殼米茶漬飯 （$110）店員細心講解食材用料及建議食法，充分感受到小店對食物製造嘅熱誠，呢道菜佢建議先食慢煮蛋，因為蛋是日本極蛋，蛋味特別濃，撈埋啲飯好好食。西冷牛扒是來自澳洲嘅穀飼牛，雖然佢係薄切，但都有牛味及有咬口。另外佢個茶漬係用兩種魚去淆製，撈飯滲出鮮味，好食。招牌燒海鹽忌廉麻糬班戟配北海道牛奶雪糕及水果（$85）賣相美觀，食落去層次豐富，口感精彩，先講佢個班戟密度比較高，完全唔同空氣班戟，加上佢海鹽再燒芝士醬，令到食落去咸咸地又有芝士嘅香配上北海道牛奶雪糕，又香又咸咸地又有芝士嘅濃味再配合自家製造嘅麻糬，煙煙韌韌口感好豐富，完全驚喜。原來小店老闆好喜歡德國嘅茶葉，所以店內嘅茶原來唔係用現成茶包，而係老闆親自用來自德國嘅原葉自己配搭，所以我今次都特別揀左果香黑茶，清香配上半片檸檬，帶出果味飲落好舒服。皇室伯爵鮮果茶，呢本凍飲係用鮮果打汁再配上伯爵茶，再加上少少