太子沢 (已結業)

太子新開左一間日式拉麵店，一入到餐廳成個裝修設計好特別，雖然座位之間唔算闊落，但都坐得幾舒服，同朋友一路傾偈都得。呢一間日式拉麵店一入到餐廳，見到有好多熟客話買咗好多次，因為呢度嘅湯底夠濃郁，所以我點餐嘅時候都幾期待㗎。呢間餐廳做緊優惠，一款拉麵再加小食同飲品，就即刻減$15，相等於送埋飲品咁滯，都幾抵！首先講吓我嗌嘅拉麵先，我自己就點左一碗醬沢麵，個湯底係鰹魚湯，湯底鮮味濃郁，有鰹魚味之餘有淡淡的醬油香，拉麵軟硬適中，雖然呢度嘅廚師話拉麵嘅份量係標準200g，但個人認為呢度嘅拉麵都幾大份🤣而佢嘅自家製叉燒有三塊咁多，食落去唔係好油膩，厚度適中。而我自己點嘅小食就係珍味二點盛，首先淨係講佢擺盆已經好靚，爽脆嘅明太子粒同鹹味適中嘅海蜇，配埋個拉麵一齊食，真係好滿足！最後不得不提下佢嘅信州木村汽水，尤其係佢嘅梨子味，唔會係死甜嗰種汽水。