影片
更多
2018-03-02
320 浏览
有時約朋友食飯，最令人頭痛就係揀餐廳，又想地點方便大家，又想餐廳坐得舒服，傾到計，食物質素又要好，服務都要有番咁下。所以往往令我地最煩惱。最近我地都好沉迷川菜，搵到呢間位於威靈頓廣場嘅1935餐廳裝修都好花心機，一開lift門已經見到圓拱門設計，帶點中國風，格局有d似私人會所咁。燈光偏暗，餐桌、餐椅都俾人一種好高級嘅感覺，同平時食開嘅川菜好唔同。仲有cocktail可以飲，閒日星期四都全場爆滿，好受歡迎。喺店員努力安排下，終於有四人枱俾我地啊，餐廳環境唔錯，唔侷促，暗暗地，飲啖野，開懷大笑就係咁簡單。我地係最後一枱離開，仲掛住影相，都有啲唔好意思。Pep Chi Razzi：等緊朋友途中就試一試呢度嘅cocktail，造型已經好特別，好似個菠蘿咁嘅形狀嘅銅杯，第一口飲落會帶果嘅甜酸，後續有d辛辣，味蕾層次豐富複雜，好難形容。淨係酒嘅部分都咁細緻多變，可以見到餐廳都好用心去做好每道菜、每杯酒。涼拌青瓜、一口燻魚：先來兩個頭盤，青瓜好爽、開胃；除左食川菜，呢度都揉合左其他例如上海菜，燻魚好似炸過咁，入口酸酸甜甜，又香脆無骨，一流華抄手：好奇問下先知係店主外婆嘅名字「華」，好特別又有意思。雲
餐廳裝修都好花心機，一開lift門已經見到圓拱門設計，帶點中國風，格局有d似私人會所咁。燈光偏暗，餐桌、餐椅都俾人一種好高級嘅感覺，同平時食開嘅川菜好唔同。仲有cocktail可以飲，閒日星期四都全場爆滿，好受歡迎。喺店員努力安排下，終於有四人枱俾我地啊，餐廳環境唔錯，唔侷促，暗暗地，飲啖野，開懷大笑就係咁簡單。我地係最後一枱離開，仲掛住影相，都有啲唔好意思。
Pep Chi Razzi：等緊朋友途中就試一試呢度嘅cocktail，造型已經好特別，好似個菠蘿咁嘅形狀嘅銅杯，第一口飲落會帶果嘅甜酸，後續有d辛辣，味蕾層次豐富複雜，好難形容。淨係酒嘅部分都咁細緻多變，可以見到餐廳都好用心去做好每道菜、每杯酒。
涼拌青瓜、一口燻魚：先來兩個頭盤，青瓜好爽、開胃；除左食川菜，呢度都揉合左其他例如上海菜，燻魚好似炸過咁，入口酸酸甜甜，又香脆無骨，一流
華抄手：好奇問下先知係店主外婆嘅名字「華」，好特別又有意思。
雲吞較大粒，亦無一層紅油喺面，醬汁有d似XO醬，55蚊抵食
香酥軟枕：即是素鵝，呢度嘅菜式改名都好有特色，有d詩意。
以前就唔喜歡食素鵝，近年受朋友影響，都很喜歡，呢度又酥又脆，而且完全冇油膩感，讚
川粵龍躉：龍躉魚肉當然不一般，入口爽彈，夠厚肉，更容量吸收湯汁精華。
湯底聽番店員介紹，係加入左紫天椒，雖然色澤唔會好濃烈，但入口就知道唔簡單，首先有鮮味，然後一股辛辣，層次明顯。
我地鐘意食辣野，愈食愈起勁
瑤柱蛋白冬茸羹：
類似魚肚羹，蛋白味好突出，濃稠得宜，唔會太杰撻撻，仲有明顯瑤柱絲，係友人至愛
黑魚籽玉帶南瓜羹：
黑魚籽作用神奇，攪拌後令帶子粒嘅鮮味大大提升，南瓜羹香濃細滑，係我是日之選。
大千雞：類似辣子雞嘅煮法，但埋番個醬汁，仲用上雞肉，較為大塊無骨，更得我心。
既有辣子雞嘅香辣，又唔會乾爭爭
上湯娃娃菜：賣相靚到不得了，好似朵花咁，呢度嘅湯底清澈，並無加啲好似金華火腿咁，所以湯底好清甜，我飲哂
蝦球：蝦球好新鮮彈牙，並且好大粒，醬汁唔會太濃味，其實海鮮只要新鮮，真係點煮都出色。
鮮果四川冰粉：一般冰粉都係碗上，加d桂花蜜啊、糖水咁、芝麻、花生等。
酒醉丸子 ：湯丸煙韌軟糯，清淡而香氣十足，仲係我最喜歡嘅芝麻湯丸
食完成餐飯，都接近十一點多，伴著美食不知時間過，今次搵呢間餐廳，友人都很滿意，並大讚有下次。
张贴
