星期六晚同男朋友黎左食飯， 2個人真係叫唔到幾多 , 尤其係海鮮 。
我地決咗散叫小菜，首先我地點了極黑豬叉燒，店員話即叫即燒，要成20分鐘，叉燒好鮮嫩，即燒出嚟味道好好。
我地得2個人，蟶子就叫咗2隻，蟶子好新鮮，蒜蓉粉絲蒸，有生蒜炸蒜，配埋啲粉絲嚟食，幾惹味。
再嚟就係白胡椒爆炒南非鮑魚，因為男朋友要食2隻，所以我地點咗3隻。好香胡椒味，又唔會搶走鮑魚嘅鮮，唔錯喎。
最後，叫咗個招牌炒飯，有啲蝦球粒，牛柳粒，帶子粒，炒飯粒粒分明，食得出好比心機炒呢個飯。
店家免開瓶費，但我地果晚無飲酒。
我地影啲餸嘅相，upload上網，就換咗2罐汽水。
1
