南華軒

营业中

休息中

今日去咗南華會會所網球部嘅南華軒食晚餐 呢度嘅裝修好似以前啲大排檔咁 有少少懷舊嘅氣息 我哋一坐低就首先叫咗個前菜 蒜辣拍青瓜 當係開下胃 青瓜拍扁後更加入味 大澳蝦醬腩肉 腩肉肉質爽彈 厚薄適中 淡淡嘅蝦醬味令腩肉更添美味 送飯一流咕嚕蝦球 蝦球大大粒唔會太厚粉 炸漿都幾香脆 而且咕嚕汁稀結度啱啱好 甜酸味亦適中 用嘅菠蘿仲係新鮮菠蘿 非常香甜 伴碟嘅菠蘿仲有燒焦過 個擺盤都好靚蒜蓉生菜 好夠油水 面頭有大量炒香左嘅蒜粒 生菜食落爽脆香口Overall嚟講呢度嘅食物出品真係唔錯 精緻得黎食得出廚師嘅心機同廚藝 真係冇諗過係呢啲地方可以食到咁精緻嘅菜式