牛匠石燒 (已結業)

💡高質石燒牛肉店依間位於尖沙咀嘅石燒燒肉店，選擇多，燒肉質素同性價比都好高，仲有得一人一個石鍋自己燒，可以控制返自己鍾意嘅生熟程度。🍽牛匠極上盛盒極上盛盒上碟擺盤精緻，一次過可以試晒10款肉類，包括：一口牛、封門柳、牛小排、牛胸腹肉、薄切牛舌、牛肋骨肉、西班牙黑豚、A4和牛肩肉、M9牛胸肉仲有鹿兒島無激素雞頸肉。牛肉新鮮，多汁唔會韌，有牛味， 配上兩款醬汁，果味燒汁同埋生薑芝麻醬，配合得恰到好處。怕食禁多肉太膩嘅話，仲可以追加蒜片及生菜。🍽味素飯，溫泉蛋餐廳建議將溫泉蛋放入味素飯入面撈均先食，令到味素飯有滿滿嘅蛋香，配埋牛肉或者齋食都好好味。🍽湯烏冬餐廳用上扁身嘅洞庭烏冬，烏冬彈牙，滑溜。湯底有海帶同蔥花等，味道調校得啱啱好。🍽牛匠彩虹水果茶大力推薦水果茶，入面超多生果，例如：熱情果、西瓜、西柚等，令到除咗有茶香味外，仲有豐富嘅水果甜味。🍽芝士奶蓋四季春芝士奶蓋夠厚，好綿密，帶有少少咸香，配上香氣宜人嘅四季春，飲落非常順口。