影片
更多
2023-01-25
32 浏览
西環新開咗一間日式石燒和牛專門店，全店採用日本A4和牛，但係$200都唔洗就食到😳吸引咗Badboy同朋友長征過嚟食😃但真係不枉此行😍食過絕對會番尋味🤤！雖然門面唔算吸引，但badboy好鍾意入面有懷舊日本風嘅佈置。手繪畫同貼滿日式海報嘅水泥牆、一字排開嘅梳化咕臣配合埋整體嘅裝橫同配色，整個氛圍令人好舒服，唔知點解有種好安心好治癒嘅感覺🔋Badboy同朋友都升級咗御膳套餐set，+$48嘅套餐會有日式雜菜沙律、月見蛋紫菜飯、蜆湯、汽水😃Badboy不嬲鍾意食月見蛋紫菜飯☺️倒埋啲燒肉醬撈勻食最正😋日本生食級雞蛋蛋黃味濃，新瀉米飯粒分明👍🏻蜆湯清甜，有兩隻蜆，蜆肉好鮮甜。🐃極上薄燒A4黑毛和牛西冷$198雪花分布平均，勁多油脂😍燒到成塊板都係油🤭薄薄一塊好快燒好，無論你燒幾成熟都好，佢都係超嫩滑，油脂喺口腔融化超幸福☺️口感一流。就算唔小心熟焦咗少少都係咁好食🤤再蘸埋佢哋嘅自家醬汁真係好好食🥰無論係昆布鹽定日式醬油定鹽麴都好出色。Badboy係第一次食鹽麴呢個醬，覺得最正係呢個醬😋🐃吉列A4 黑毛和牛牛小排$178吉列牛嘅炸粉做得幾好，唔太易散，燒嘅時候燒埋炸粉位會更加香脆。牛味比較出，口感
西環新開咗一間日式石燒和牛專門店，全店採用日本A4和牛，但係$200都唔洗就食到😳吸引咗Badboy同朋友長征過嚟食😃但真係不枉此行😍食過絕對會番尋味🤤！
雖然門面唔算吸引，但badboy好鍾意入面有懷舊日本風嘅佈置。手繪畫同貼滿日式海報嘅水泥牆、一字排開嘅梳化咕臣配合埋整體嘅裝橫同配色，整個氛圍令人好舒服，唔知點解有種好安心好治癒嘅感覺🔋
Badboy同朋友都升級咗御膳套餐set，+$48嘅套餐會有日式雜菜沙律、月見蛋紫菜飯、蜆湯、汽水😃Badboy不嬲鍾意食月見蛋紫菜飯☺️倒埋啲燒肉醬撈勻食最正😋日本生食級雞蛋蛋黃味濃，新瀉米飯粒分明👍🏻蜆湯清甜，有兩隻蜆，蜆肉好鮮甜。
3 浏览
0 赞好
0 留言
🐃極上薄燒A4黑毛和牛西冷$198
雪花分布平均，勁多油脂😍燒到成塊板都係油🤭薄薄一塊好快燒好，無論你燒幾成熟都好，佢都係超嫩滑，油脂喺口腔融化超幸福☺️口感一流。就算唔小心熟焦咗少少都係咁好食🤤再蘸埋佢哋嘅自家醬汁真係好好食🥰無論係昆布鹽定日式醬油定鹽麴都好出色。Badboy係第一次食鹽麴呢個醬，覺得最正係呢個醬😋
2 浏览
0 赞好
0 留言
🐃吉列A4 黑毛和牛牛小排$178吉列牛嘅炸粉做得幾好，唔太易散，燒嘅時候燒埋炸粉位會更加香脆。牛味比較出，口感軟腍，油脂味香口，又脆又軟好食😋配飯一流。
1 浏览
0 赞好
0 留言
🥩A4黑毛和牛他他$88
Badboy第一次食和牛他他😙日本蛋嘅蛋味香濃，溝埋甜甜哋嘅日本醬油味道唔錯。和牛碎本身爽滑幼嫩有肉味，溝埋蛋汁食滑上加滑😋食得好過癮🤭
0 浏览
0 赞好
0 留言
🥟日式雞皮餃子$38
炸得金黃色脆卜卜，香味撲鼻，口感外脆內軟，好食😋
0 浏览
0 赞好
0 留言
🗻富士山特飲$36
御膳set轉特飲嘅話只需要半價。富士山造型超啱打卡，面層厚厚嘅忌廉，下層梳打，飲落又甜又滑都唔錯。
火酒膏其實啱啱好燒得哂啲肉同埋所有配菜，唔會空燒好耐，無咁浪費。但隔離枱可能節奏比較慢？只係燒咗一半肉多少少就熄咗要換新🤭爽手啲燒啦😌環保啲唔洗額外消耗多一罐火酒膏🤭不過要小心碗湯唔好擺太近個石燒板😂badboy燒完肉先發現啲和牛嘅油脂流哂落碗湯度😳
张贴
