燒肉酒場 (已結業)

好耐都無食過燒肉啦，今晚朋友特登揀咗呢間餐廳，因為佢有好食嘅羊肉食，好似日本北海道嘅成吉思汗燒肉咁。個爐同平時韓燒嘅唔同，中間係拱起嘅，同埋已經有埋洋蔥同紅蘿蔔。今次來呢度當然主要食羊啦，我點左羊卷肉，仲有羊柳，但我朋友就麻麻，所以都叫咗啲牛肉，同埋一個伊比利亞梅頭扒，同埋雞髀肉。 肉嘅質素都好好，夾埋燒好嘅洋蔥食真係好好味，特別推介係佢專門比羊肉嘅調味粉，加埋利息真係冇得頂，所以特別再叫多一點羊卷肉，真係食到冇停口。另外要讚一下餐廳嘅抽風超好，唔會成間餐廳都好大油煙。飲品方面我點左個平時少啲飲嘅梅子威士忌梳打，酸酸鹹鹹都幾特別。食完仲有啲餓，我仲加多個羊肉烏冬，味道都幾好，如果鍾意食羊嘅朋友唔好錯過啦。