和牛燒肉‧純

之前食過一次和牛燒肉‧純十分回味！今次再訪就係為左佢地嘅燒肉！同朋友兩人點左幾款燒肉，十分滿足～先嚟沙律開下胃，麻醬配豆腐係絕配，仲有蕃茄沙律菜等等都好新鮮～仲點左我最愛嘅梅酒，係日本產～梅味都突出！食燒肉除左食佢原味仲可以配唔同醬汁～四款肉中最吸引就係一大塊嘅特選日本產和牛肉眼！好似扒咁大塊，和牛嘅油花比例高，食落啖啖肉之餘仲有牛嘅油香～咬落仲特別軟腍！優質嘅牛肉最岩配海鹽！之後嘅特選日本產和牛牛排肉油脂分佈好平均，燒到兩邊轉色，入面保持粉紅嫩嫩地咁五成熟最好～牛香十足！另外我都好鐘意日本產豬五花肉，豬肉經過醃制，有啲醬汁殘留左係面頭～燒嘅時候特別香！燒到油份乾身食落就唔會咁油膩啦！仲帶少少焦脆口感添！