棋哥燒鵝 (已結業)

同個friend喺The One行完街，要覓食，見到依間棋哥燒味，去咗試試佢，質素唔差，同埋幾抵食。我哋叫咗個二人套餐，有招牌燒鵝，自選一款燒味，我哋揀咗分蹄，油菜一碟，白飯或者瀨粉or 米粉，仲有野飲或老火例湯。我招牌燒鵝好有煙燻嘅味道，燒鵝肉質亦都非常嫩滑，仲要咁岩斬到隻脾添，真係食到舔舔脷，份量都唔少。分蹄嘅份量更加係爆曬標，上下兩排，味道正常，冇燒鵝咁出色。油菜白飯同例湯都冇乜特別可以評價，啲飯煮得真係幾靚仔。總結：呢個價錢食到咁豐富嘅燒味，CP價真係幾高，我估棋哥燒味有排做。