影片
更多
2025-03-29
3099 浏览
位於海港城的Amelia，佔盡地理優勢，坐擁世界級海景，係度食飯夠晒Chill。最近餐廳推出左任食，頭盤沙律及湯品，海鮮肉食與甜點，均是任你吃過夠，仲要係無限時嗰，大癲。先做個總結，就是不要與Buffet去比較，因為呢度既質素高很多。有理無理，啪隻生蠔作開端。來自日本的佳麗，個子比想像中要大，飽滿鮮甜，吃得過。龍蝦湯濃郁足料，但我更欣賞周打海鮮湯，好杰身，超正，不過真係好飽肚。頭盤及沙律款式唔少，二人食力有限，未能食勻全部款式。當中的巴馬火腿軟熟咸香，蟹肉沙律十分足料，三文魚沙律來得清新。意式油甘魚生片會配上魚子醬，來得更矜貴，喜歡佢已漬過，感覺清新。香煎鵝肝呢啲咁邪惡既嘢，作為正義之士既我一定要將之消滅，最多沾些黑醋來解解油膩架啫。熱身過後，去到肉類及海鮮既環節，A5和牛及龍蝦尾要另加$128，但絕對值得。和牛西冷外層帶微脆，入口超鬆化，脂香豐富。龍蝦尾的火候拿捏恰到好處，吃起來鮮嫩彈牙，無得輸。鹿肉是相對較少機會嚐到的，肉質嫩滑，沒帶那種像野味的羶味，好吃。鮑魚記緊要配鮑肝醬吃，滋味好多。新鮮既北寄貝，入口細嫩爽脆，絕不會像吃擦字膠咁，果然係是日的精選貝類。八爪魚來得軟腍，同樣要讚
位於海港城的Amelia，佔盡地理優勢，坐擁世界級海景，係度食飯夠晒Chill。最近餐廳推出左任食，頭盤沙律及湯品，海鮮肉食與甜點，均是任你吃過夠，仲要係無限時嗰，大癲。
先做個總結，就是不要與Buffet去比較，因為呢度既質素高很多。
有理無理，啪隻生蠔作開端。來自日本的佳麗，個子比想像中要大，飽滿鮮甜，吃得過。
龍蝦湯濃郁足料，但我更欣賞周打海鮮湯，好杰身，超正，不過真係好飽肚。
頭盤及沙律款式唔少，二人食力有限，未能食勻全部款式。當中的巴馬火腿軟熟咸香，蟹肉沙律十分足料，三文魚沙律來得清新。
意式油甘魚生片會配上魚子醬，來得更矜貴，喜歡佢已漬過，感覺清新。
香煎鵝肝呢啲咁邪惡既嘢，作為正義之士既我一定要將之消滅，最多沾些黑醋來解解油膩架啫。
熱身過後，去到肉類及海鮮既環節，A5和牛及龍蝦尾要另加$128，但絕對值得。和牛西冷外層帶微脆，入口超鬆化，脂香豐富。龍蝦尾的火候拿捏恰到好處，吃起來鮮嫩彈牙，無得輸。
鹿肉是相對較少機會嚐到的，肉質嫩滑，沒帶那種像野味的羶味，好吃。鮑魚記緊要配鮑肝醬吃，滋味好多。
新鮮既北寄貝，入口細嫩爽脆，絕不會像吃擦字膠咁，果然係是日的精選貝類。八爪魚來得軟腍，同樣要讚！
鰻魚是好友的至愛，皮香而肉質爽彈，好新鮮既貨色。
甜品既有芝士蛋糕、提拉米蘇，以及開心果雪糕，個人極力推介芝士蛋糕，是令人吃不停口的質素。呢個Deluxe既任食本已令人相當精彩，而且仲可以帶走400ml的龍蝦湯，又食又拎，點會唔滿足~
张贴
