云手工火鍋店

营业中

休息中

我哋叫左個火焰沙白蟹鍋，侍應送上嚟時，已經見到鍋入面有好多沙白同埋蟹，好豐富！然後，侍應加芫荽同埋蔥落去，再加啲酒落煲度炒，有好大火，好驚喜！個湯底又好濃嘅胡椒味，加埋沙白同蟹嘅鮮味，真係正，我同朋友都飲咗兩碗湯。啲沙白好大粒，好飽滿，蟹都好新鮮，好鮮甜！另外，我哋叫咗西班牙黑毛豬豬肉，真係靚肉，口感鬆軟，而且唔韌，食落去肉味好濃，好食。另外，我哋叫咗牛骨牛汁丸，真係好有牛肉味，又爆汁又彈牙，手打蝦丸都唔錯，真材實料，每一粒都係鮮蝦製成，彈牙好味！牛舌心串燒牛舌心串燒真係好正，燒得啱啱好，而且好厚身，食落去好有咬口，完全唔乾。我哋仲叫咗烏冬同埋油麥菜，呢餐既嘢食都好好味！