The Oyster House (已搬遷) 新店位置

朋友介唔來呢間西餐廳，話有個海鮮拼盤好多人食，而且生蠔唔錯，就嚟食餐好嘅。Seafood Platter $199黄金螺、生蠔、磯煮鮑魚、帶子同埋青口都新鮮，生蠔大隻，唔腥。另外，鮑魚同埋帶子都好鍾意，鮑魚入味帶子鮮甜。King Crab Meat Tian $149啖啖蟹肉，配上黑魚子矜貴，底部有牛油果，伴入沙律醬汁，好味。Garlic Sauteed Prawns $139好多蒜好香，有啲香草，醬汁材料簡單，蝦新鮮爽口紮實，正呀。Truffle mushroom soup/ Daily Soup $79松露蘑菇湯香濃，是日餐湯係周打蜆湯，由於比較少飲，我哋就叫咗過嚟試，材料豐富有好多蜆肉同埋各種蔬菜，香濃好飲。Char-grilled Canadian Natural Pork Chop $249其實想食牛扒，不過晏晝已經食咗牛，就試吓呢個豬。結果炭燒豬鞍好香，肉質粉嫩，保持到肉汁，唔會乾柴。墊底嘅薯蓉都正，薯蓉之外仲溝左薯粒👍🏻Daily Dessert $99雜莓crumble，酸甜酸甜幾開胃，配上酥脆crumble同埋冰凍雪糕，食完超滿足。