潮薈館

营业中

休息中

潮薈館（九龍城）上星期同老公去九龍城行街街，佢話想食潮州嘢就陪下佢。呢間潮薈館啲嘢食好正喎，款式又多又滋味。 店舖設計古色古香，牆壁上繪了充滿古典味的畫作， 充滿詩情畫意 ，令人有種置身於古代的感覺。1. 鹵水鵝拼盤$158 鹵水拼盤好豐富，有齊鵝片、紅腸、滷水蛋、腩肉同豆腐。每款食材都上曬色，好入味。鵝片香噴噴，肉質扎實， 嫩滑可口。我最鍾意食豆腐，豆腐好滑，而且吸收曬鹵水汁，咬落去爆汁！2. 潮州炒河粉$98 炒河粉好惹味，食得出好有獲氣～炒河粉主要材料有河粉、蝦、叉燒同蛋，依幾款食材炒埋一齊非常香。蝦肉新鮮彈牙，成個河粉食落唔會過油、粉條唔會太碎，非常美味！3. 椒鹽白鱔片$138椒鹽白鱔片一啲都唔易整！白鱔片新鮮爽口彈牙～白鱔片炸過後，表面非常香脆，做到外脆內嫩嘅感覺。另外用上椒鹽作調味，份外滋味。4. 蠔仔砂鍋粥$138砂鍋粥熱辣辣，啱晒冬天食。砂鍋粥材料有蠔仔、冬菇絲、冬菜、大頭菜同方魚。蠔仔份量多，粒粒飽滿新鮮。冬菇絲、冬菜、大頭菜令粥底更香甜、味道更有層次，而方魚就令粥更鮮甜。