云手工火鍋店

营业中

休息中

原來尖沙咀鬧市隱藏呢一間高質火鍋店！云手工火鍋店唔同手工湯底，火鍋配料齊全，型格裝潢環境乾淨企理，值得一試🫶🏻火鍋湯底揀左火焰三椰雞鍋，店員先炒香雞件同椰肉，加入料理酒然後用火槍點火🔥唔止賣相有氣勢，酒精揮發後仲會留低陣陣酒香！店員之後會加入一整個椰青同椰皇，再倒入雞湯，滾起後變成一個香濃椰子雞湯🥥記得擺火鍋料入去前先飲碗湯，咁就可以飲到最原汁原味濃郁味道！火鍋配料一應俱全，牛豬羊、餃子丸類、海鮮蔬菜等等，亦有刺身同風味小食供應。我地試左招牌酥炸惹味茄子，食落唔會太油膩，加上大量炸蒜超級香口🤤火鍋配料推介手打黑松露墨魚丸同梅菜豬肉丸，滾熟之後口感煙韌，黑松露同梅菜香味分別都好出，必點🥰美國安格斯牛肉紋理分明肉味濃郁，自家製紫菜響鈴就酥脆得來帶少許鹹香。整體黎講無論湯底定配料都出色，想下次去試埋其他湯底！