鮨千月 (已結業)

今日喺天后做完大project，想食好D獎勵自己，上網見到啲人話天后有間日本餐廳食omakase好正，又有海景嘆，即刻走左入去食😂我簡左森羅（$480），一個人食呢個應該夠曬。茶碗蒸、沙律。茶碗蒸材料豐富，蛋夠熱。沙律開胃。薄切、刺身三種。廚師有教要食左間白魚薄切先，然後再順序食帶子、油甘魚同拖羅，要由薄食到厚！個帶子好鮮甜，同埋配綠茶鹽好清新～拖羅好肥美食到好滿足😍壽司四貫。四款都勁新鮮！特別想講個海膽，佢係勁鮮甜但完全無腥味，以前我唔鍾意食海膽因為覺得腥味好重，果然令海膽分別差好遠！黑松露配蝦都幾襯，令蝦既鮮味更加突出！廚師係即刻燒既個魷魚，所以記得趁熱食，同埋真係好嫩滑～刺身飯。佢用左唔同新鮮魚做刺身，全部刺身都切粒，口感剛好，岩曬女仔食！臨到尾聲，有麵鼓湯暖下胃。豆腐雪糕。豆腐味重，而且少甜而不膩。作完結好滿足。