GAIJIN

营业中

休息中

有一段時間没有享受到正式法餐啦，諗起第一次的法餐唔係喺法國巴黎，而係喺法國的Bordeaux，餐餐都要最少两個半鐘的時間，喺香港當然冇呢個可能啦。今日揀咗4個course的餐，分别有1. 蟹肉沙律，2. 香煎日本帶子3. Main course有得揀，揀咗香煎日本銀鱈魚4. 白酒青柑桔慕斯蛋糕喺第一味餸未上之時，已送上法國特色嘅香香脆脆半個牛角包同埋另一個暖暖哋餐包，正。蟹肉沙律内有可見到的蟹肉，醬油漬三文魚籽連同新鮮嬌艷欲滴的沙律菜，並且有和風柚子油醋汁調味，非常好食。香煎日本帶子來自北海道，珍寶級數好大粒，大過5蚊銀多多聲，有杏仁慕斯喺面，底有青口忌廉汁，可見厨師認真的態度。銀鱈魚厚身啖啖肉，皮脆肉鮮仲有海膽添色，并且有BB豆苗襯托，靚得來又美味。甜品更加美倫美奐，猶如珍珠擺碟嘅白酒青柑桔慕斯蛋糕有淡淡的白酒清香及微酸的柑桔味，好fresh，跟餐咖啡都有得揀，我淨係揀普通咖啡已經非常之吸引。