GAIJIN

营业中

休息中

🔸餐包 - 牛角包、忌廉芝士包🥐🥯有半個好酥化的牛角包，忌廉芝士包好好食，拎上手仲熱熱地，入口好鬆軟，帶點蒜油同芝士味。🔸蟹肉沙律🦀🥗食到絲絲鮮甜的蟹肉，上面仲有蟹籽，咬落爽口。沙律菜新鮮，配有和風柚子油醋汁，味道酸酸甜甜，作為一道好清新開胃的前菜。🔸香煎日本帶子北海道珍寶帶子相當飽滿厚肉，配上杏奶泡、青口忌廉汁，突顯左帶子既鮮味。🔸香煎日本銀鱈魚🐟銀雪魚相當有驚喜，用左日本刺身級別嘅鱈魚，魚皮煎到好脆口，魚肉肉質又嫩滑又肥美，好有鮮味，完全冇腥味。面頭有北海道海膽，底下仲有豆芽苗，吸收晒香檳忌廉汁🔸白酒青柑桔慕絲蛋糕🍰擺盤好似一件藝術品，一粒大珍珠放係貝殼上面😆白酒味比較淡，不過有好濃好香既柑桔、柚子味，食落唔算好甜，底下的海綿蛋糕好鬆軟，配上雲尼拿吉士雪糕🍦整體都好好食😋總括嚟講，餐廳環境優雅舒適，播放住輕鬆的音樂，加上每道食物都相當之有水準，食材又新鮮，以呢個質素黎講，餐廳嘅定價亦都相當之公道👍🏻值得一讚嘅係侍應服務態度相當好，又坐低介紹Menu上面所有嘅食物、每上一道菜等等都好有禮貌😊有幸食到一餐咁豐富嘅午餐，簡直係味蕾同心靈嘅滿足☺️💕