GAIJIN

营业中

休息中

✅餐包牛角包係呢間餐廳嘅特色之一，外皮酥脆，入面嘅麵包軟熟，好味。熱辣辣嘅牛角包仲可以無限Refill，真係好貼心。每次Refill嚟嘅牛角包都係啱啱烘好，保證新鮮✅煙三文魚沙律配日本胡麻沙律醋汁煙三文魚味道香濃，口感順滑。加埋日本胡麻沙律醋汁，味道微酸，成道沙律食落去，感覺好清爽，非常開胃✅煙鴨胸粟米粒脆波波煙鴨胸切粒混合粟米粒同醬汁放入脆波波，賣相好吸引。煙鴨胸同粟米粒嘅組合均勻又好食，搭配得好好✅厚燒M6有骨和牛肉眼扒和牛肉眼扒煎得恰到好處，上面嘅黑松露牛油係一大亮點，上菜嘅時候，見到服務員拎起火槍，將黑松露牛油燒融，實在好震撼。火槍燒完嘅黑松露牛油喺上面鋪成一層金黃色，好吸引。食落口，黑松露牛油嘅濃郁香味同肉眼扒完美結合，而且啲炭火香味仲喺口腔留住，真係令人難以忘懷。