巴黎小館

营业中

休息中

星期三晏晝嚟到位於大館嘅Café Claudel，呢間法式小館座位唔算多，但係好彩2點鐘到唔使等位。餐廳裝修好有巴黎風情，露天位仲可以望住檢閱廣場，感覺好chill！ 前菜揀咗是日餐湯（番茄湯）同沙律🥗：湯夠creamy，沙律菜新鮮開胃，同之前食評講嘅水準一致。主菜試咗兩款： - Grilled Hanger Steak w/ baby gem：牛扒烤得啱啱好五成熟，肉質軟嫩有炭香，配埋爽脆嘅baby gem同黑椒汁，好夾！ - Grilled Fish of the Day（三文魚）：魚皮煎到脆卜卜，魚肉keep到juicy，仲有檸檬牛油醬提鮮，抵讚。墊底係鷹嘴豆泥，超級特別。甜品試晒兩款✨： - French Crepes：薄餅淋滿焦糖醬同雲呢拿雪糕，冷熱交融超邪惡！ - Chocolate Mousse：朱古力味濃到化唔開，口感似食緊朱古力醬，必點！ 埋單人均$300左右，環境同食物都充滿法式精緻，係中環慢歎午餐嘅好選擇。