和牛燒肉‧純

餐廳卡位嘅私隱度高，環境優雅，侍應服務態度超好，十分親切有禮，值得一讚👍🏻豆腐沙律沙律菜新鮮爽口，豆腐質地嫩滑，食落充滿豆香日本産和牛&燒肉拼盤呢個非常吸引🤩有日本產和牛上牛排肉、日本產和牛肩眼、日本產和牛牛排肉、牛胸外腹、牛舌➕日本產厚切豚腩肉，和牛嘅脂肪分布得好靚，入口鮮嫩多汁，豚腩肉口感香滑原味牛腩湯烏冬湯底好清甜，牛腩肉質香腍，散發出濃厚嘅肉香味，湯中加入新鮮蔬菜，增添清爽嘅口感，搭配彈牙嘅烏冬，每一口都係滿滿嘅幸福感梅子梳打🈶兩大粒梅子，飲落非常清新，仲有淡淡嘅梅子香氣乳酸燒酎梳打飲落有酒精嘅微醺感，又唔會過於濃烈，口感以乳酸味為主