霜瀛 (已搬遷) 新店位置

女朋友不嬲都好鍾意食日本野，佢今日話要黎上環呢間新開既omakase。平時我都好少特登去食魚生，估唔到今次食到間令我想encore既日本野。入到黎環境整潔，坐得好舒服。坐係師傅面前，望住佢即場切魚生，即時上菜。保證食才係最新鮮同衛生，即時食到魚生既鮮味。我地今次食既omakase $880，除此以外原來仲有其他lunch set都好抵食。前菜牛舌好好食，燒得好香同無筋。刺身方面有６款，每款都好新鮮。每種魚師傅都落左唔同調味，例如赤貝落左檸汁，石鯛就落柚子帶出佢地既鮮味，每一個操作都好有心思。擺盤精緻，女朋友打卡影到靚相都好開心。壽司有６件，叻外仲有個拖羅三文魚子迷你丼。份量都好足。甜品就係海鹽雪糕，無咩特別。整體黎講都唔錯，依個價錢黎講值得返兜。下次黎想試埋其他set，睇下有咩分別。