影片
更多
2019-04-23
35 浏览
男朋友好鐘意食中菜，而且仲好鐘意飲湯，所以身為貼心嘅女朋友都會盡量留意下睇下有無D新好西可以帶下男朋友去食，XD一來可以俾D新鮮感佢，二來等佢覺得我好有佢心呀嘛。所以見到男朋友返工附近新開左間燉湯火鍋，點都一定要帶男朋友黎試！呢間餐廳好近上環地鐵站E1出口，基本上一上到地面，行幾十步路仔就已經到，不過呢世瑛大廈呢佢個門口係巷仔入面，唔熟上環嘅人有可能會行多左好多冤枉路，其實佢係個電腦鋪，未去到電車路，就轉入內巷就已經到，果度其實仲收埋幾間餐廳、酒吧嫁！呢度嘅環境都幾舒服乾淨企理，話就話主打火鍋，但呢度個裝潢佈置都幾西式帶少少工業風嘅味道。檯上已經整整齊齊咁放好哂餐具歡迎我地嘅到黎，而風格都同環境係統一岩Feel 嘅，第一印象都幾唔錯。一入到黎，店員已經好友善咁招呼我地，坐定定就俾左2張餐單我地睇，同埋介紹左近期推介俾我地。聽店員過佢地D野都充材，建議我地唔好一次過叫咁多，(O_O當下心諗，我叫多左餐廳唔係應該開心嫁咩?) 咁我地都聽話，等D野上左先再決定洗唔洗加單，XD事實都真係唔洗再叫。我地叫左個黑蒜姬松茸肴骨煲($288)，食法都幾有趣嘅，原來係先飲哂個燉湯先，之後先再幫你轉做火鍋
呢間餐廳好近上環地鐵站E1出口，基本上一上到地面，行幾十步路仔就已經到，不過呢世瑛大廈呢佢個門口係巷仔入面，唔熟上環嘅人有可能會行多左好多冤枉路，其實佢係個電腦鋪，未去到電車路，就轉入內巷就已經到，果度其實仲收埋幾間餐廳、酒吧嫁！
呢度嘅環境都幾舒服乾淨企理，話就話主打火鍋，但呢度個裝潢佈置都幾西式帶少少工業風嘅味道。檯上已經整整齊齊咁放好哂餐具歡迎我地嘅到黎，而風格都同環境係統一岩Feel 嘅，第一印象都幾唔錯。
一入到黎，店員已經好友善咁招呼我地，坐定定就俾左2張餐單我地睇，同埋介紹左近期推介俾我地。
聽店員過佢地D野都充材，建議我地唔好一次過叫咁多，(O_O當下心諗，我叫多左餐廳唔係應該開心嫁咩?) 咁我地都聽話，等D野上左先再決定洗唔洗加單，XD事實都真係唔洗再叫。
我地叫左個黑蒜姬松茸肴骨煲($288)，食法都幾有趣嘅，原來係先飲哂個燉湯先，之後先再幫你轉做火鍋湯湯底去打邊爐。
男朋友見到個煲上檯就話，一定係正！我都非常明白，事關個湯嘅色水非常深，同埋佢已經係煮到有少少稠稠地嘅質地，唔洗試都已經知火喉十足。個煲好大煲，而店家都非常大方，放左海量嘅姬松茸、杞子、豬肉、黑蒜等去煮，姬松茸扶正補虛，黑蒜抗氧、札子養肝明目，岩哂轉天飲。個湯非常甜，好香菇味，我同男朋友未食飯，已經先飲左2大碗落肚。
飲完湯之後，店員幫我地加湯轉做打邊爐，我地叫左肥美牛肉粒 半份($149)、
西班牙黑毛豬梅肉 半份($128)、油麥菜($68)同 廣東雲吞 併 鳳城水餃($108)，因為我地飲完湯已經飽飽地，食唔到再多Lo，哈哈！
不得不讚呢度嘅用料非常新鮮，牛肉粒色澤好靚，而且好多雪花，牛嘅鮮度保持得幾好，而入口確實都幾重牛味，啖啖肉同香油脂味。
黑毛豬都一樣正！紋理分明，色澤都係靚仔嘅，入口非常爽口。
XD油麥菜無咩野要介紹，最緊要新鮮，夠爽甜就夠，同埋唔好太多蟲駐就已經好好嫁啦我覺得。
特別推介佢地嘅雲吞、餃子同炸魚皮，事關係即叫即製，餃類粒粒飽滿多料，而煮野都仲係好Juicy，唔會皮肉分離，或者爛哂皮，餡嘅調味唔錯，好好食。魚皮新鮮現炸，上檯都仲有少少微溫，魚皮唔會太油唔會重油益味，咬落卜卜脆，而且好香魚味。
飲飽食濟之後，店員見我地食我都差唔多，好醒目咁上埋甜品俾我地，即刻心心眼，而佢嘅甜品都真係實在有心，奉送嘅甜品都好講究T0T，會擺盤，同有2款食！紅豆糕唔會太甜，好岩我口味，上面仲有2塊花瓣，即刻少女哂，哈哈。椰汁糕同樣好食，夠哂滑，又夠哂香椰奶味。唔重口味嘅甜品，令我食得好舒服。XD
呢間野價野嘅野食都真心幾高質有水準，如果有咩活動約會，呢度都不失為一個好選擇。
张贴
