影片
更多
2021-09-30
297 浏览
邪惡指數: 🐽🐽🐽好食指數: 🙆🏻♀️🙆🏻♀️🙆🏻♀️🙆🏻♀️🙆🏻♀️之前發現咗北角匯商場有好多好似好唔錯嘅餐廳，今次就決定試吓呢間比較fine dine嘅法國米芝蓮一星過江龍「Briketenia」🙃 室內裝修環境有情調，食法日fusion菜💁🏻♀️有選擇困難症嘅我都係簡簡單單揀Dinner Set Menu😌 $428包Appetiser, Soup of the day, Main Course & Coffee/Tea：⭕️ 明太子海蝦紫蘇卷呢個係頭盤之前送嘅餐前小食，一啲都唔馬虎！脆卜卜嘅炸皮包住滿滿爽口嘅海蝦，加埋明太子同紫蘇，食落特別香口👍🏻 ⭕️ 北海道帶子伴牛油果他他鮮甜嘅帶子切粒撈埋牛油果🥑，搽喺薄脆上面一齊食更有口感唔會覺得膩，係一個簡單又好味嘅頭盤😙⭕️ 日式炸蟹餅唔好睇佢細細粒，入面其實塞滿左蟹肉，就咁食已經夠香，不過乜都鍾意點醬嘅我就一定點埋tartar sauce一齊食啦😆⭕️ 南瓜湯首先佢會遞上一碗裝咗啲炒香左嘅海蝦同腰果，再將南瓜湯倒入去。呢個配搭真係第一次食，估唔到咁夾喎😍南瓜味香甜幼滑，加埋啲蝦同腰果增加口感，連我呢個從來都唔會叫南瓜湯嘅人都鍾意呢個湯，抵
好食指數: 🙆🏻♀️🙆🏻♀️🙆🏻♀️🙆🏻♀️🙆🏻♀️
之前發現咗北角匯商場有好多好似好唔錯嘅餐廳，今次就決定試吓呢間比較fine dine嘅法國米芝蓮一星過江龍「Briketenia」🙃 室內裝修環境有情調，食法日fusion菜💁🏻♀️有選擇困難症嘅我都係簡簡單單揀Dinner Set Menu😌 $428包Appetiser, Soup of the day, Main Course & Coffee/Tea：
⭕️ 明太子海蝦紫蘇卷
呢個係頭盤之前送嘅餐前小食，一啲都唔馬虎！脆卜卜嘅炸皮包住滿滿爽口嘅海蝦，加埋明太子同紫蘇，食落特別香口👍🏻
⭕️ 北海道帶子伴牛油果他他
鮮甜嘅帶子切粒撈埋牛油果🥑，搽喺薄脆上面一齊食更有口感唔會覺得膩，係一個簡單又好味嘅頭盤😙
⭕️ 日式炸蟹餅
唔好睇佢細細粒，入面其實塞滿左蟹肉，就咁食已經夠香，不過乜都鍾意點醬嘅我就一定點埋tartar sauce一齊食啦😆
⭕️ 南瓜湯
首先佢會遞上一碗裝咗啲炒香左嘅海蝦同腰果，再將南瓜湯倒入去。呢個配搭真係第一次食，估唔到咁夾喎😍南瓜味香甜幼滑，加埋啲蝦同腰果增加口感，連我呢個從來都唔會叫南瓜湯嘅人都鍾意呢個湯，抵讚嘅💁🏻♀️
⭕️ 龍蝦意粉配龍蝦汁
真係好好食❣️扁意粉煮到al dente配埋香濃嘅龍蝦汁，加埋鮮甜爽口嘅龍蝦肉、蘆筍、蘑菇片，完全冇嘢好挑剔💯
⭕️ 香燒澳洲和牛配薯蓉雜菜+$65
肉眼煎到有少少焦香，牛味濃郁又juicy，肉質粉嫩，連埋啲脂肪食特別香。仲要比我想像中大份，所以加錢我都唔覺得過分。
總括嚟講，北角又多間高質嘅餐廳🙆🏻♀️👏🏻雖然唔算平，但係整體食物質素/環境/服務我都滿意 ✅
张贴
