星海薈﹒譽宴

营业中

休息中

前兩日去開沙田嗰邊，平時都好少入新界食嘢，又得新界就想食好啲，見到有間喺萬豪酒店入邊嘅中菜餐廳，聽人講佢主打食海鮮，於是就帶朋友入去試吓啦。紅燒煲仔翅$188紅燒煲仔翅係即刻即場燒，見到店員用Gas爐即場製作紅燒煲仔翅，感覺非常新鮮，熱辣辣嘅煲仔翅一燒完就即刻拎上嚟俾你，加埋醋落去煲仔翅度，煲仔翅入邊主要有芽菜同魚翅，味道唔錯。冰鎮花雕5頭南非鮑魚$68鮑魚真係好抵食，首先鮑魚拎上嚟嘅時候，乾冰所出現嘅煙已經好震撼，鮑魚預先已經切好咗一片片，然後再拼翻做原隻，會聞到有花雕味但係花雕味食落嘅味道唔重，感覺好似食緊刺身咁。清蒸虎杉斑$298清蒸嘅虎杉斑最容易試到與本身嘅鮮甜味，魚肉好彈牙同好有鮮味，加埋豉油同油落去一齊蒸，真係好香好好味，攞嚟撈飯一流。家常海參豆腐煲$148豆腐煲熱辣辣咁樣上菜，咋咋聲，又幾得意，海參份量好多，最正嘅都係個豆腐，又滑又多汁，成個豆腐煲好高質。