花木日本料理 (已結業)

朋友最鐘意食日本菜，同佢食飯要花心機搵啲質素好既日式餐廳，早早做定功課上網搵啲資料，地點選擇左「花木」。環境又大又靚，木系設計夠哂日本風味，而且座位夠寬闊舒適，岩哂朋友既要求啦！我地先叫深海池魚壽司和左口魚壽司，池魚入口魚味濃郁突出，飯粒加入赤醋帶點酸香，刺身味濃新鮮入口非常爽口。左口魚先燒香，入口即溶魚味極香極重！花木卷賣相夠哂吸引，粉色系好靚，中間是吞拿魚蓉，外層好似棉花糖香甜特別，我地食得好滋味！之後我地叫左燒鱈場蟹腳，蟹肉鮮甜香味濃香，蟹肉夠新鮮每口充滿鮮甜蟹肉味！主食叫左和牛炒飯，粒粒炒飯咸香有咬口，炒飯炒到乾身完全唔油膩，和牛牛味濃香軟腍，大大滿足！朋友食到好滋味好滿意，相信我地仲會再黎架！