日本野 (已結業)

Happy Friday, 放工鬆一鬆，老公知我鍾意食日本野，專登訂座哩間-旺角野餐廳同我食晚餐😊餐廳裝修日式風格，餐桌闊落，座位舒服，侍應好有禮貌同細心❤️打開餐牌，好多唔同款式日本食物可選擇：刺身、火灸壽司、大阪燒、串燒、沙津、佐酒小食、石燒牛、主食等等。哩度最出名係石燒霜降小牛排，老公點左一份來品嚐，侍應好細心講解我地聽點樣燒。牛排每件厚切，放係石板上面，慢慢燒，自己控制火喉。入口充分濃烈既牛味，唔係一般既牛小扒可比，肉汁肥美，入口迴香。另外叫左一碗温泉蛋和風燒牛肉丼✨勁大碗，好大隻好fresh 既温泉蛋，勁滑juicy , 仲有好多塊鮮味牛肉，飯軟又多汁，每口都好滿足。飲品方面老公叫左杯檸檬梳打，石燒霜降牛燒排晚餐包一杯飲品，我叫左可樂。呢間餐廳係旺角銀城廣場，交通好方便，食物高質好味，愉快的晚餐😊