炭家 (已結業)

生日當然要食好啲！疫情下，無得飛日本，唯有揾間高質嘅日本餐廳當去咗轉日本啦！今次揀咗呢間日本直送鰻魚飯店，希望品嚐到當地新鮮鰻魚的味道。細細的小店，只有數張枱，雅緻裝修，枱與枱之距離比較近，但尚算舒適。厨房係玻璃窗設計，可以睇到店員親手燒鰻魚。我地叫咗2個set同鰻魚厚燒玉子，鰻魚重同鰻魚串燒定食。鰻魚重有茶碗蒸(有1小塊鰻魚喺底)、小鉢(鰻魚餐前凍食)、清湯同重量級鰻魚飯。鰻魚厚燒玉子，蛋香，少有用鰻魚做餡，味道都算夾。茶碗蒸蛋夠香滑，面頭有一層薄薄的鰻魚油，食落有淡香鰻魚味。小鉢有微微魚腥味道，個人不太喜歡。主角-蒲燒鰻魚飯，有微香炭燒味道，魚質軟而不散，有近似在日本食的味道。但略嫌鰻魚汁偏少。鰻魚串燒定食 - 有白燒鰻魚串、雞腿肉串、豚籚筍卷、雞胸肉紫蘇卷同洋蔥串串燒份量偏少，白燒鰻魚上有少少海鹽調味，食原味道，其他肉類味道不俗，但無太大特別。最後，店員送上免費小甜品結束這餐生日午飯，幾貼心。