影片
更多
2023-04-14
75 浏览
朋友仔生日，所以決定要食好d，今次去到位於尖沙咀白蘭軒道新開嘅日本餐廳「樂酒場 がくさかば」一入餐廳，已經好有居酒屋嘅氣氛，座位有高枱同矮枱揀，矮枱就要除鞋進入啦，好有feel我地2個人食量唔算大，所以今次叫左6樣野同2杯飲品1.活北寄貝刺生平時係d餐廳食開嘅北寄貝係熟高再急凍，所以個尖尖係紅色嘅，今次我地依個就係活嘅北寄貝刺生，所以見返佢原本個顏色，北寄貝刺生食落唔腥，而且非常之鮮甜，點少少豉油就已經足夠，咬落口感緊緻，但仍然保持柔軟，正呀😋😋2.紫膽海膽1-6月係紫膽海膽嘅時令期，所以依家食正呀，食落口感非常細膩，味道鮮甜，用紫菜包住一齊黎食，好有層次😋3.牛舌多士雖然未放上菜單，但職員推介，所以一於試下！唔好以為牛舌多士係多士上放牛舌，其實佢係冇多士嘅，點解叫做牛舌多士，係因為將牛舌切成多士厚度，而且整到外脆內嫰，同多士口感一樣，所以咁命名。牛舌味道足夠，外層香口，冇煮過火，所以一d都唔韌，而且夠晒厚切，食落啖啖肉，非常之滿足😋😋4.樂酒肴前夕一道前菜小食，有醃漬鳥蛋、枝豆同酒盜芝士，醃漬鳥蛋味道岩岩好，唔會話鹹，入面蛋黃夠晒軟腍，好好食。枝豆味道唔錯，食食下唔覺就自己食晒成碟😋
朋友仔生日，所以決定要食好d，今次去到位於尖沙咀白蘭軒道新開嘅日本餐廳「樂酒場 がくさかば」
一入餐廳，已經好有居酒屋嘅氣氛，座位有高枱同矮枱揀，矮枱就要除鞋進入啦，好有feel
我地2個人食量唔算大，所以今次叫左6樣野同2杯飲品
1.活北寄貝刺生
平時係d餐廳食開嘅北寄貝係熟高再急凍，所以個尖尖係紅色嘅，今次我地依個就係活嘅北寄貝刺生，所以見返佢原本個顏色，北寄貝刺生食落唔腥，而且非常之鮮甜，點少少豉油就已經足夠，咬落口感緊緻，但仍然保持柔軟，正呀😋😋
2.紫膽海膽
1-6月係紫膽海膽嘅時令期，所以依家食正呀，食落口感非常細膩，味道鮮甜，用紫菜包住一齊黎食，好有層次😋
3.牛舌多士
雖然未放上菜單，但職員推介，所以一於試下！唔好以為牛舌多士係多士上放牛舌，其實佢係冇多士嘅，點解叫做牛舌多士，係因為將牛舌切成多士厚度，而且整到外脆內嫰，同多士口感一樣，所以咁命名。
牛舌味道足夠，外層香口，冇煮過火，所以一d都唔韌，而且夠晒厚切，食落啖啖肉，非常之滿足😋😋
4.樂酒肴前夕
一道前菜小食，有醃漬鳥蛋、枝豆同酒盜芝士，醃漬鳥蛋味道岩岩好，唔會話鹹，入面蛋黃夠晒軟腍，好好食。
枝豆味道唔錯，食食下唔覺就自己食晒成碟😋
酒盜芝士上面個醬係用吞拿魚內臟醃漬的再放落芝士到一齊食，兩種唔同嘅咸香味，異常地夾得到，食落非常之惹味😋
5.成人薯仔沙律
薯仔沙律，但加左蟹肉、蟹子、三文魚籽，一齊食成個沙律都好鮮甜，沙律醬味道唔算太強，所以冇遮蓋到蟹肉味，所以每一啖都帶有蟹嘅清香😋
6.關東煮拼盆
有9樣材料，而且湯底好味，蘿蔔又寫得夠晒軟又冇渣，豆卜吸左d湯嘅精華，正呀，真係湯底都唔可以放過
7.蜜瓜梳打、highball
蜜瓜梳打味道香甜，而且仲有雪糕食，好正，highball好飲，酒同梳打比例好好，所以飲落酒味唔算強，但又酒味出，正😋😋
整體黎講，餐廳環境舒服、服務好、食物質素高，好岩三五知己一齊黎食下飲下放鬆下
张贴
