影片
更多
2018-05-27
81 浏览
今日第一次同朋友一齊嘗試廚師發辦omakase的菜式，食落真係一試難忘。由於菜式係由廚師安排，所以每一道菜都令人期待。廚師選用時令食材製作料理，夏天天氣炎熱，omakase就採用比較清淡、油分較輕嘅食材，令菜式相對清新。開始用餐前餐廳有提供濕毛巾抹手。第一道上嘅係清甜爽口嘅日本粟米。有別於一般嘅烚粟米，依個粟米有少少生，但咬落爽口，而且非常多汁。第二道上嘅係薄切蜜柑鯛生魚片。聞說蜜柑鯛喺培育嘅時候以蜜柑作為飼料。食嘅時候以一塊生魚片包住辣蘿蔔同蔥花，再點上特製嘅酸汁。一入口食到淡淡嘅魚香，慢慢咀嚼後就會有後勁嘅辣味出現。隨後店員送上每人一條鹽燒香魚。烤魚燒得好靚，魚身完整。魚皮下面係雪白、肉質細緻嘅香魚肉。綠色嘅係特製嘅酸汁，有淡淡嘅青蘋果香，食落非常開胃。接住落嚟有串燒拼盤一碟，有燒鰻魚、燒雞肉、燒牛肋肉、燒雞腎同燒青椒。其中，燒鰻魚非常出色。同外面食過軟身嘅鰻魚不一樣，魚肉非常彈牙，咬落有肉汁。牛肋肉用了黑椒調味，燒得剛好唔乾身。最期待嘅高質壽司拼盤:- 油甘魚- 赤目- 中拖羅- 大蝦- 海膽軍艦- 石垣鯛- 炙燒左口魚- 醬油帆立貝店員好熱心地介紹唔同魚嘅名稱，再建議我哋由淡味
開始用餐前餐廳有提供濕毛巾抹手。
第一道上嘅係清甜爽口嘅日本粟米。有別於一般嘅烚粟米，依個粟米有少少生，但咬落爽口，而且非常多汁。
第二道上嘅係薄切蜜柑鯛生魚片。聞說蜜柑鯛喺培育嘅時候以蜜柑作為飼料。食嘅時候以一塊生魚片包住辣蘿蔔同蔥花，再點上特製嘅酸汁。一入口食到淡淡嘅魚香，慢慢咀嚼後就會有後勁嘅辣味出現。
隨後店員送上每人一條鹽燒香魚。烤魚燒得好靚，魚身完整。魚皮下面係雪白、肉質細緻嘅香魚肉。綠色嘅係特製嘅酸汁，有淡淡嘅青蘋果香，食落非常開胃。
接住落嚟有串燒拼盤一碟，有燒鰻魚、燒雞肉、燒牛肋肉、燒雞腎同燒青椒。其中，燒鰻魚非常出色。同外面食過軟身嘅鰻魚不一樣，魚肉非常彈牙，咬落有肉汁。牛肋肉用了黑椒調味，燒得剛好唔乾身。
最期待嘅高質壽司拼盤:
- 油甘魚
- 赤目
- 中拖羅
- 大蝦
- 海膽軍艦
- 石垣鯛
- 炙燒左口魚
- 醬油帆立貝
店員好熱心地介紹唔同魚嘅名稱，再建議我哋由淡味嘅石垣鯛、拖羅等食起，最後先食濃味嘅灸燒及醬油壽司。每件魚生都鮮甜肥美。拖羅入口即溶，帆立貝新鮮有口感，海膽鮮甜，食落好滿足。
到尾聲了，老闆親自介紹鎮店之寶: 魚湯。奶白色嘅魚湯由四至六種魚煮成，冇加奶以及味精。魚湯鮮美魚味濃郁，骨膠原豐富呀！
最後嘅甜品有日本直送嘅雪糕，有紅豆、黑芝麻、抹茶同柚子雪芭選擇。雖然小妹鍾愛抹茶雪糕，但經店員推薦下改選柚子雪芭。果然冇推介錯，雪芭口味清新，入面有柚子果肉。食得飽飽地食個雪芭反而冇咁飽濟。
张贴
