玄鮨 (已結業)

亞女發燒一星期好番了，對自己好d，食豪d。約左朋友黎玄鮨食好西。Lunch set 有前菜及茶碗蒸。蛋好滑嫩，有雞肉、雜菌、白果等材料。朋友既特上海鮮丼飯真係好多款式，食材新鮮，有海膽、三文魚子、中拖羅、帆立貝、牡丹蝦、深海池魚、鯖魚、油甘魚、賴尿蝦等。中拖羅肥美、帆立貝夠大件，深海池魚都唔薄而且又爽口。珍珠米仲加左紫菜碎及飯素添。丼飯配蜆湯，勁多蜆肉。我就簡了三色丼，賣相一流。有拖羅蓉、三文魚子、海膽三款，份量十足。海膽鮮甜creamy。三文魚子脹卜卜，鮮甜。拖羅蓉加左幼蔥清新鮮味。三色丼配一個冷/熱既蕎麥麵/烏冬。天氣甘熱簡左冷蕎麥麵，凍凍的唔會膩。仲有甜品，係雪糕夾餅，成個lunch set真係好豐富好飽。