燒肉酒場 (已結業)

放工同朋友隨便逛逛順便食野，經過見到呢間燒肉好似唔錯，又冇咩食過羊肉燒肉，就決定入餐廳試試！店舖裝修好日式，望落好舒服！椰菜沙律滿滿的新鮮椰菜，椰菜上面有薯仔，同埋芝麻醬一起食，好清爽！蒙古羊肉卷羊肉切成一片片大片，一d都唔腥，肉亦唔會好鞋，配上帶點鹹鹹的胡椒味醬汁，令佢的口感再提升！柚子雞髀肉柚子味的雞肉第一次食，但好有驚喜，雞肉超級嫩滑，柚子令到成個雞肉好清新開胃，推薦！洋湯烏冬湯比較濃味，如果鐘意重口味既人會非常喜歡，烏冬同羊肉亦好彈牙！飲品叫左蜜桃梳打同Suntory啤酒，完美的一餐，絕對推薦比大家！