YAKINIKU KAKURA (新城市廣場一期)

营业中

休息中

一到冬天就想打個邊爐、燒過肉暖暖身！臨近年尾，又係時候獎勵下自己，當然要搵間自己最愛嘅高質日式燒肉，盡情豪歎吓啦！大判燒！黑毛和牛西冷見到燒肉上面嘅大理石紋都即刻流晒口水，和牛獨有嘅柔軟甘香真係無得輸，入口即溶，加埋溫泉蛋真係極級享受！黑毛和牛腹前小排講明食到盡，梗係要嗌多幾款和牛過足口癮！入口juicy又嫩口嘅腹前小排，油花甘腴，外面帶陣陣炭火香，肉味香濃！黑毛和牛內橫膈膜第一次食呢個部位好有驚喜！肉質帶有咬勁同時鮮嫩多汁，油花較少減少油膩感，唔怪之得話係日式燒肉店必食嘅極品牛部位！塩味上牛舌以塩醃過嘅牛舌經燒烤口感彈牙，充滿牛肉特有滋味，愈食愈香！鹿兒島和牛他他和牛他他幼滑軟腍，仲帶有一份鮮甜味，蛋黃同麻油提升咗和牛嘅鮮味，加埋洋葱絲一齊食好開胃！冷麵食完一餐咁豐富嘅燒肉，用一碗冷麵作結就最好不過！冷麵清涼嘅湯底中和左燒肉嘅油膩感，麵條爽口彈牙，泡菜令湯底味道微辣，簡直係完美配搭！