金鶴拉麵 (九龍城道) (已結業)

呢段時間過左6點又沒得堂食，唯有買外賣返屋企食啦。呢間拉麵鋪係土記啲車行後面，位置對唔熟土記嘅人黎講可能會有啲難搵。土記比較少拉麵鋪，有呢間係土記真係幸福呀。今次我嗌左極濃雞白湯同埋雞白湯拉麵兩款，第一次食嘅朋友仔可以試左雞白湯拉麵先，如果覺得自己食到濃味，下次可以再升級。個拉麵好足料，好多件雞肉同叉燒，唔使驚唔夠飽。外賣會用紫菜代替炸牛蒡，因為炸牛蒡要即叫即食先正。另外我地仲嗌左明太子雞翼，脹卜卜嘅雞翼裡面充滿明太子，我地一叫就叫左兩份，因為個雞翼實在太好食。老實的說，外賣質素好好，係等緊外賣嘅時候同店員傾下計，個外賣已經搞掂，一啲都唔耐，真係有下次。