影片
更多
2022-07-02
67 浏览
平時都係食泰式或日式口味多，今晚就同朋友去了間食粵菜嘅私房菜餐廳，朋友一早就訂了位，餐廳位置就較平時搵食嘅位置遠少少在官塘工業中心3期，不過升港鐵觀塘站D4出口一落行一陣就到，餐廳內座位闊落，多以圓枱為主，入去時說出留位資訊就按排到已安排好嘅位置座下，而餐牌亦放在枱上，有餐前小食以本地水耕嘅沙律菜伴芝麻醬，新鮮爽口；雙色墨魚仔兩個味道入口彈牙；濃郁茶煙嘅流心蛋伴黑魚子醬下面加上厚切軟熟茄子，賣相醒神入口夠晒醒胃！除此之外還榮哥自家甜酸齋，入口夠晒口感之餘，帶點甜酸作為餐前小吃一樣出色！最先上就係呢個原鼎燉龍利葉青欖柑桔黑毛豚肉湯，湯底清新，完全唔覺油膩嘅感覺，而湯渣嘅黑毛豚肉亦十分好味！接住就一道道菜出，蝦球水芙蓉，爽口彈牙鮮蝦球在香滑蒸蛋上，蛋上面放了蘆筍汁，完全是視覺味覺嘅刺激！再來就蜜椒比利時杜落克StLouis 橄欖豬肋骨，一條條見到豬肋骨上沾滿了蜜汁，入口軟熟還有陣陣橄欖味道，啖啖肉，正！再來就係遠年新會陳皮黑豚肉排骨，大大塊黑豚肉排，上面還有師傅以陳皮精心製作粉末，所以未入口時陣陣陳皮香味已經撲鼻留香，入口時黑豚肉排肉質亦十分軟熟入味！而黑松露醬炒花尾躉班球配鮮露筍，花尾躉
餐廳內座位闊落，多以圓枱為主，入去時說出留位資訊就按排到已安排好嘅位置座下，而餐牌亦放在枱上，有餐前小食以本地水耕嘅沙律菜伴芝麻醬，新鮮爽口；雙色墨魚仔兩個味道入口彈牙；濃郁茶煙嘅流心蛋伴黑魚子醬下面加上厚切軟熟茄子，賣相醒神入口夠晒醒胃！
除此之外還榮哥自家甜酸齋，入口夠晒口感之餘，帶點甜酸作為餐前小吃一樣出色！
最先上就係呢個原鼎燉龍利葉青欖柑桔黑毛豚肉湯，湯底清新，完全唔覺油膩嘅感覺，而湯渣嘅黑毛豚肉亦十分好味！
接住就一道道菜出，蝦球水芙蓉，爽口彈牙鮮蝦球在香滑蒸蛋上，蛋上面放了蘆筍汁，完全是視覺味覺嘅刺激！
再來就蜜椒比利時杜落克StLouis 橄欖豬肋骨，一條條見到豬肋骨上沾滿了蜜汁，入口軟熟還有陣陣橄欖味道，啖啖肉，正！
再來就係遠年新會陳皮黑豚肉排骨，大大塊黑豚肉排，上面還有師傅以陳皮精心製作粉末，所以未入口時陣陣陳皮香味已經撲鼻留香，入口時黑豚肉排肉質亦十分軟熟入味！
而黑松露醬炒花尾躉班球配鮮露筍，花尾躉班球跟黑松露醬炒得十分香軟彈牙好有口感！配上新鮮爽口露筍，味道十分配合！
金銀蒜香炒有機時令鮮蔬，鑊氣夠晒十足，大大碟陣陣蒜香！
最後還有農坊獨頭糖心黑蒜炒飯，炒飯炒得乾身彈牙十分有口感之餘，內有甜香嘅黑蒜片！
食完所有菜式後，店員還上埋個芝麻湯圓，香濃薑汁加埋煙韌流心芝麻湯圓，感覺十分完滿！
张贴
