高木炭火鳥燒 (已結業)

今日同朋友去完K11，佢帶左我去附近呢條街，原來都有好多餐廳。今次揀左呢間日本串燒店，平時日本串燒通常都唔平，但呢度既lunch set $98就可以自選4款串燒，仲有前菜同湯，又真係幾抵食。雖然午市串燒選擇唔算多，但蔬菜，肉類，海鮮都有。仲見到師傅係即叫即燒，而唔係燒定哂拎比你，有誠意！今次分別揀咗茄子，冬菇，帶子，牛舌。茄子好重牛油味，加埋小小鹽，好好食！冬菇完全唔乾。帶子好大隻，係刺身級，燒到半熟。牛舌好好食，充滿肉汁，又爽口，仲要厚切，有口感！除左串燒餐，仲有其他飯，我地揀左個鰻魚飯。鰻魚好軟滑，無骨，d汁亦調教得好入味。店舖雖然小小，但就係咁更加有日式小店感覺，而且店員服務都好好，第一次已經有想再幫襯既感覺。