影片
更多
2023-08-01
22 浏览
無論咩季節都鍾意打邊爐嘅我，見呢間手工火鍋店網上有好多好評，今日就約埋朋友去試吓🥘餐廳位於瑞生酒店入面，酒店地下裝修到好似地鐵站咁，幾有香港特色💕▫️火焰三椰雞鍋 ($328) 4.5/5湯底揀咗椰子雞鍋，店員會係我哋面前用牛油炒香雞件、椰子肉同紅蘿蔔，炒嗰時已經聞到好香，之後店員再落酒精點火，火光熊熊咁真係睇到嘩一聲，視覺效果滿分！再加入原個椰青同椰皇水一齊滾，滾起後便可先飲湯，椰子雞湯好清甜又唔會油，忍唔住飲咗兩碗！雞件煮完都仲係好嫩滑，食落又有陣陣椰子味，就算加咗幾轉湯都仲係好有雞味。▫️招牌牛肉拼盤 - 中 ($388) 4/5叫咗拼盤咁就可以樣樣都試吓😆拼盤包括6款牛肉，包括本地手切牛、安格斯牛肉、牛舌、牛胸爽、牛心椗同牛柳粒，擺盤好靚仲要有埋乾冰有係打卡一流。本地牛肉味香濃，但安格斯牛食落就比較淋，兩款各有各好都幾好食。6款入面我自己最鍾意牛胸爽，淥幾秒就食得，咬落好爽脆，口腔仲充滿住牛嘅油脂香味☺️▫️自製黑松露蟹肉餃 - 半份 ($68) 4/5餃子皮薄料多，一入口就食到好濃烈嘅黑松露味，入面仲有好多蟹肉同香菇粒，非常足料惹味。▫️手打蝦丸 - 半份 ($48) 4/5手打蝦丸真
▫️火焰三椰雞鍋 ($328) 4.5/5
湯底揀咗椰子雞鍋，店員會係我哋面前用牛油炒香雞件、椰子肉同紅蘿蔔，炒嗰時已經聞到好香，之後店員再落酒精點火，火光熊熊咁真係睇到嘩一聲，視覺效果滿分！再加入原個椰青同椰皇水一齊滾，滾起後便可先飲湯，椰子雞湯好清甜又唔會油，忍唔住飲咗兩碗！雞件煮完都仲係好嫩滑，食落又有陣陣椰子味，就算加咗幾轉湯都仲係好有雞味。
▫️招牌牛肉拼盤 - 中 ($388) 4/5
叫咗拼盤咁就可以樣樣都試吓😆拼盤包括6款牛肉，包括本地手切牛、安格斯牛肉、牛舌、牛胸爽、牛心椗同牛柳粒，擺盤好靚仲要有埋乾冰有係打卡一流。本地牛肉味香濃，但安格斯牛食落就比較淋，兩款各有各好都幾好食。6款入面我自己最鍾意牛胸爽，淥幾秒就食得，咬落好爽脆，口腔仲充滿住牛嘅油脂香味☺️
▫️自製黑松露蟹肉餃 - 半份 ($68) 4/5
餃子皮薄料多，一入口就食到好濃烈嘅黑松露味，入面仲有好多蟹肉同香菇粒，非常足料惹味。
▫️手打蝦丸 - 半份 ($48) 4/5
手打蝦丸真係特別彈牙，食到啖啖蝦粒有嚼勁🤓
超級推薦呢度嘅特色手工火鍋湯底同自家製配料，食完真係有驚喜。餐廳座位寬敞，仲設有VIP房，啱曬一大班人嚟聚會，一邊食好嘢一邊傾計。店員服務仲非常好，會主動幫我哋加湯同撇油，成程完全唔洗自己搞！呢間餐廳價位屬中上，但係服務同食物質素都真係值呢個價，大家可以試吓🥰
Overall rating (5粒⭐️為滿分)
味道：⭐️⭐️⭐️⭐️
服務：⭐️⭐️⭐️⭐️⭐️
環境：⭐️⭐️⭐️⭐️
性價比：⭐️⭐️⭐️⭐️
张贴
