SuperNormal (淘大商場2期)

营业中

休息中

今日同老婆放工后去九龙湾淘大行街，行经一间好有情调的酒吧餐厅，叫SuperNormal，好难得系九龙湾揾到咁有情调的餐厅，可以听住轻快音乐，食住野，感觉好悠闲轻松。 一坐低，侍应即刻放低2杯水及餐牌，笑容满面同我地介绍左餐厅最出名的德国猪手，感觉好舒服。 我地叫左个2人餐，例汤是南瓜汤，有好浓郁的南瓜味，好正！我地拣左蟹籽青瓜海蜇芥末沙律，酸酸的，好开胃。 我地系五个主菜中拣左这店最出名、数量有限的招牌柚子脆皮德国猪手，好有惊艳感觉，有浓厚嘅柚子香味，外皮烤得酥脆金黄，肉质嫩滑，真是皮脆肉嫩，同我在德国食嘅有得挥，好好食，好值得食。 最后，我地仲食左蟹肉海鲜龙虾汁蟹籽天使面，海鲜好新鲜，天使面好幼滑，味道刚刚好。一间气氛、服务和食物都吸引的餐厅，下次我地会再食。