影片
更多
2024-10-18
178 浏览
第一次嚟到跑馬地食日式廚師發辦料理，師傅能操流利廣東話，非常健談。晚餐第一味菜式係魚子配醃製小黃瓜等前菜，包裝非常精美。第二味係白魚刺身，配檸檬汁、酸汁及蘇子花，蘇子花非常香，帶出嘅鮮味，好特別。第三味係鹿几島間八魚刺身，肉質爽滑，好新鮮，完全沒有魚腥味。第四味係八爪魚腳及吸盤刺身，我哋一邊食，師傅一邊講解，食材係用大約1kg嘅八爪魚，吸盤夠大粒，好爽口，又唔會太硬。第五味係活北寄貝，活生生，好新鮮，拍佢一下，就會即刻收縮。一般北寄貝係熟食，呢款來自北海道潔淨嘅水域，才可以刺身食。第六味係三文魚子配蒸蘿蔔蓉杯，呢款三文魚子亦都係好特別，好厚皮，超級煙靭、彈牙。第七味係目光魚搪揚，香港好少買到目光魚，佢係日本特產。原來炸香嚟食超正，年頭都食埋，好有魚香味。第八味係增丈炸蝦丸，用櫻花蝦打碎為蝦膠，外皮用咗炸粉，炸刀脆卜卜，裏面蝦膠好滑好腍，充滿蝦嘅香味。第九味係金目鯛壽司，金目鯛魚係來自靜岡 ，用熱水淥過，魚皮都可以食埋。第10味係關鯖，鯖魚已調味，無醃製。同樣一般鯖魚係需要熟食，因為呢條鯖魚係來自特別地區，才可以刺身用。鯖魚生食，一啲魚腥味都冇，好特別。之後陸續有壽司，一件一件上，有青森
晚餐第一味菜式係魚子配醃製小黃瓜等前菜，包裝非常精美。
第二味係白魚刺身，配檸檬汁、酸汁及蘇子花，蘇子花非常香，帶出嘅鮮味，好特別。
第三味係鹿几島間八魚刺身，肉質爽滑，好新鮮，完全沒有魚腥味。
第四味係八爪魚腳及吸盤刺身，我哋一邊食，師傅一邊講解，食材係用大約1kg嘅八爪魚，吸盤夠大粒，好爽口，又唔會太硬。
第五味係活北寄貝，活生生，好新鮮，拍佢一下，就會即刻收縮。一般北寄貝係熟食，呢款來自北海道潔淨嘅水域，才可以刺身食。
第六味係三文魚子配蒸蘿蔔蓉杯，呢款三文魚子亦都係好特別，好厚皮，超級煙靭、彈牙。
第七味係目光魚搪揚，香港好少買到目光魚，佢係日本特產。原來炸香嚟食超正，年頭都食埋，好有魚香味。
第八味係增丈炸蝦丸，用櫻花蝦打碎為蝦膠，外皮用咗炸粉，炸刀脆卜卜，裏面蝦膠好滑好腍，充滿蝦嘅香味。
第九味係金目鯛壽司，金目鯛魚係來自靜岡 ，用熱水淥過，魚皮都可以食埋。
第10味係關鯖，鯖魚已調味，無醃製。同樣一般鯖魚係需要熟食，因為呢條鯖魚係來自特別地區，才可以刺身用。鯖魚生食，一啲魚腥味都冇，好特別。
之後陸續有壽司，一件一件上，有青森帆立貝壽司、甘蝦壽司、福岡槍魷魚壽司、北海道秋都魚壽司、金室市海膽手卷同埋葱花吞拿魚腩手卷。
壓軸有長埼吞拿魚，有大拖羅、中拖羅、同埋醬油漬口味。師傅介紹要先食中拖羅，然後到大拖羅，最後係吞拿魚醬油漬，咁就最好味。
結尾係甜品加生果：南瓜蒸布甸、富良嘢赤肉瓜。好滿足嘅一餐，真係好飽好飽。
张贴
