劉興記生煎包專門店

营业中

休息中

今日就食下平民版既米芝蓮🤩上環永樂街呢間分店係新鋪，鋪頭細細但係都幾好坐！食物點評✍🏻✍🏻✍🏻麻醬手撕雞粉皮套餐$54（跟生煎包*2豆漿*1）一大碗手撕雞粉皮，粉皮煙煙韌韌，將粉皮同手撕雞用麻醬撈勻，仲有啲青瓜絲，咸香味十足，岩晒夏天食，夠清新🤓生煎包生煎做到外脆內軟，包底煎到好脆，一咬開就爆汁，係熱辣辣既湯汁，肉餡都好香，一個餐包佐兩隻，超級抵食😍秘製上海炸排骨呢個真係秘製，好惹味，炸到外脆內軟，排骨肉質柔嫩，勁香口，絕對會食唔停口呀🤩鮮雞湯小雲吞小雲吞有12粒，皮薄餡靚，雞湯香濃，唔會好咸，岩晒健康人士呀😚豆漿呢個都真係要特別講一講，豆味超濃，真係有啲豆渣咁，真材實料😎