淥鼎記

营业中

休息中

今日黎到依間餐廳係同事介紹，話1亞太有間川菜打邊爐好正，一定要黎試下。所以今日收工就帶埋母親大人黎搵食。餐廳第一個感覺就係好寬廣好乾淨，座位與座位之間距離好足夠好舒適。我地唔食得辣要左皮蛋芫茜豆腐鍋。錦繡前菜好快上左，係鹹菜豬肚、手拍青瓜、炸雞粒、麻辣鴨血，非常精緻，四樣小菜都比酒樓水準高出一倍，一啲都唔敷衍。牛方面有安斯格嘅極佳精修肥牛、牛肩胛、牛板腱。肥牛夠嫩口，牛板腱就好濃牛肉。薄切涮涮兩下就食得！豬方面有黑兒豬卷腩、伊比利亞黑毛豬。強烈推薦伊比利亞黑毛豬，必試！手打丸類個人最中意蝦丸，有鮮蝦嘅彈牙同鮮味。自助區種類好多，每樣都有蓋，感覺好衛生。其中魚皮Encore幾次，新鮮炸起非常香脆，大大塊好滋味。嘢飲方便餐廳有有自製茶類，竹蔗茅根最好飲，唔會太甜，清熱解膩啱晒打邊爐。