星橋居酒屋

营业中

休息中

🍽️星橋居酒屋📍中環嘉咸街35-39號嘉豪大廈地舖居酒屋喺香港其實都算多選擇，年中都食過唔少號稱自己係正宗日式居酒屋嘅鋪，但點先算最正宗可能都係要睇師傅烹飪技術同餐廳服務態度，星橋都算佼佼者，而且我最鐘意佢呢度俾人一種高級居酒屋嘅氛圍~嘢食方面，屋企人中意食肉所以主要order咗啲雞肉或者牛肉串，印象比較深刻係汁燒蔥牛肉卷，真係第一次食，出邊牛肉燒到脆脆地，咬落去中間啲蔥油即刻滲出嚟，味道中和得好好。同埋雞皮餃子都好特別，炸得好酥脆，送酒一流。串燒方面，雞頸肉同帆立貝串都大大串，師傅都唔會話一次過上曬，見你食得七七八八先繼續上，所以keep住食得熱辣辣。最後食埋牛油果炸蝦卷，主要為填飽個肚，牛油果比較偏硬身，但最緊要大大份，炸蝦都好新鮮。建議最後食埋梅子番茄就完美啦，凍凍地又帶有啲酸甜。整體體驗都好舒服，鋪頭唔算大，但職員都好後生好醒目，隔離就係老蘭，見鋪頭客人主要都係後生仔女放工後嚟，十分推薦！