黑門水產すいさん (棉登徑)

日本野開到周街都係，但想食高質、新鮮、正宗日本食物，黎呢間黑門水產就岩晒！朋友介紹之下黎左呢到，先發現原來香港都有啲咁接近日本味道既餐廳野食勁多元化，乜都有，刺身壽司基本，連甲羅燒呢到都有得食！甲羅燒，一啲都唔腥，配炸蒜梳打餅食一流，好濃味龍蝦湯煮海鮮，入面有好多唔同款式既海鮮，全部都索晒啲汁，好鮮甜燒元貝，估唔到上面仲加左其他料，有時去啲餐廳食真係得一粒仔收幾十蚊，呢到點睇都高質好多，又足料又新鮮！刺身盛，件件都厚切，好有口感，而家好新鮮好軟身，食落口完全無冰，最正係個海膽，勁濃味吞拿魚卷物，壽司飯加左醋，唔洗點豉油都好夠味呢個脆脆好有特色，底下係脆多士，上面係大量唔同既刺身，口感好特別，好好食難得係香港搵到咁高質既餐廳，淨係睇相都知啲野食高級過啲連鎖日本餐廳啦！