串得喜 (已結業)

今日去咗土瓜灣搵朋友食飯，朋友話想食雞煲，咁岩搜尋到呢間小店，價錢唔算貴，就決定試下，估唔到地方隱蔽竟然有驚喜🤪我地兩人叫左半隻雞煲，再加上幾客小食。雞肉非常嫩滑同比較厚肉，醬料亦非常入味，半隻雞既份量相比起其他店舖多好多，我地兩人淨係雞煲都食到7成飽。煙肉腸仔串、肥牛金菇串，雞軟骨串串燒亦燒得相當juicy (竹簽唔會係燒到乾爭爭，黐到實一實果種)。 黃金牛肉牛肉鬆軟，加上咸蛋黃醬既配搭，出奇地好味😋最後埋單人均約$200， 性價比高，小店嚟講算係高質素而且最緊要乾淨又坐得舒服。