影片
今次去咗间传说中嘅正宗烤鱼串烧店，开始嘅预感已经话俾我知，今晚一定够晒嘴🤤。蒜香烤鱼做嘅够哂功夫，口口肉香蒜味浓，嗲到不得了啦！开胃㖞！俾佢个汤底焖卤嘅薯仔、豆卜同娃娃菜香滑得嚟又吸晒啲汁，好嘢！串烧方面，喂，个翠肉瓜真系正到爆灯💡，炭香喷香，辣粉撒落又带点醒神，啖啖肉嘅烤鸡肾，啱晒啲钟意爽口口感嘅人士。虽然部分串烧可能意犹未尽噉，但总体嚟讲，依度嘅味道同口感都算系超水准。顺带一提，店员劲好人，仲不时会黎问下食得点，真系贴心！饮食环境都舒服，坐低食嘢倾偈，真系靓仔正妹必到之选。总之，食得嘅朋友哋，唔好错过呢间宝藏店嚟一试，网上热爆嘅店铺，实会令你再三回味👍！
继续阅读
好唔明点解会有咁多好评…难得同老公2个人去2人世界..满心欢喜咁入去食好西，2个人叫左半只鸡煲（中辣），唔知本身系咩鸡，半只份量感觉好少，都唔紧要，唔辣之余只鸡又干争争咁。串烧叫左韮菜（最好食系呢样，临尾有叫多串）烧茄子（人生食过最难食既烧茄子，食第一啖系冻嘅，其他部分暖暖地，真系唔明点解可以系唔热）明太子鸡翼（冻货类货品，热既，但唔好食）冬菇（还可以）鸡软骨（热既，咪道正常）印象系食左以上既野，但整体好差，价钱唔算平，2个人食左4百几（仲叫左2支蓝妹），真系可一不可再…
继续阅读
土瓜湾美食攻略2023主打鸡煲烤鱼加串烧用心做,味道佳,环境走简约风有时味道先系主角,装修反而次要土瓜湾出名多美食,呢度有间评价很唔错既小店,鸡煲同串烧都系即点即做等待时间约15分钟我地今日6点就到,落单用纸仔填饮品12蚊起,呢度系几有人情味既小店对面既小妹妹,自己放学系度等妈妈,店老板好似做左佢保母一样,系外面连锁店睇唔到既画面即烤厚牛舌片,烧牛肉牛油蒜金姑重蒜香辣烧原条茄子半只鸡煲,黄金和牛一口牛,烧牛油粟米埋单都系200蚊左右一个人咋,超饱先上牛舌,爽口弹牙,选最嫩个位置,食起上黎无筋又爽口,个粉带点辣,牛味特浓另外烧牛肉都系一流,一口SIZE,嫩而无渣!香口惹味烧粟米,盐味牛油烧,带点甜中带咸味唔系烧到超干个种,口感粟米仍有点脆脆爽口,好多汁,呢种口感出面食唔到黄金一口牛,金沙咸蛋味特浓,味道几夹鸡煲真系超好食,小辣个辣度系大众辣,唔食辣既朋友都食到,香口惹味,鸡件肉厚多汁,唔会过熟,人多点一只更抵食原条烧茄子,唔会太焦,连皮可以食,重重重口味之选啊~超多肉汁又辣又香口平均消费$200/人评分8/10串得喜 地址 土瓜湾落山道96号桥发大厦地舖G/F, Kiu Fat Mansion, 96 Lok Shan Road, To Kwa Wan #HELLOHONGKONG #你好香港
继续阅读
同朋友经常都会到土瓜湾食饭，因为朋友住附近，而且都多小食拣，今次经过见到呢间串烧店招牌，于是过嚟试下。餐厅唔大，只有几张枱嘅位置。串得喜鸡煲（半只）$138两人食半只鸡煲嘅份量刚刚好，食完鸡煲之后可以加汤变打边炉，一次过食鸡煲，再加打边炉。冬菇 $28金菇$22蒜蓉烧茄子(原条) $48虽然拣咗少辣，但唔会太辣，系可接受程度。蒜蓉牛油焗金菇 $28金菇加上多蒜同牛油，比起打边炉嘅金菇更惹味。烧韮菜 $15泰式烧鱿鱼筒$58原条鱿鱼筒，鱿鱼筒中间位置加上蒜蓉，令到鱿鱼筒更惹味，口感都好爽口。整体而言，食物价钱都抵食，特别系打边炉嘅配料。
继续阅读
呢排食得多，系屋企附近跑步见到间新开既串烧店叫串得喜，见都几多人食好似好吸引，于是今日同屋企人去试下。食之前系网上睇左睇，见好多人都会叫佢地既烤鱼，睇黎烤鱼系必食。由于我地唔太食得辣，就叫左蒜香烤鱼($268)。入面配料都好多，有豆卜、金菇、芽菜、娃娃菜、薯粉，每样份量都唔少😄当然唔少得条鱼，条鱼好大条，食落似炉鱼。鱼皮经过烤焗，好香好脆😋平时食鱼钟意食细鱼，因为觉得大鱼食落会好鞋，但估唔到呢间店比咁大条鱼，肉质都保持到鲜、嫩、滑！加上条鱼冇咩骨，就算老人家都好放心食。配料中，我地最钟意娃娃菜同豆卜，因为佢地最吸汤汁😆个汤既蒜味好香但唔会太浓，可以直接饮入口。.黎得串烧店，我地都叫左几款串烧🍢1️⃣烧羊肉串(2串)($28)有少少羊既脂肪，烧完之后羊既油香味逼哂出黎，超好食！2️⃣黄金烧鱿鱼筒($58)黄金指既系用咸蛋黄酱烧🥚咸蛋黄酱捞好多野都好夹，酱入面仲有细细既蛋黄粒，鱿鱼筒既滑加埋蛋黄既粒粒质地，第一次食呢个配搭，口感好特别。3️⃣蒜蓉烧茄子($48)茄子肉都算好多，而且烧到半离皮，所以好易将皮肉分开，加埋大量蒜去烧，中意食蒜既呢款冇得输🤣4️⃣蒜蓉牛油焗金菇($28)份量好多，超重牛油味，正！牛油、蒜、金菇，又系100分既组合，28蚊抵食！.总结：虽然店名叫串得喜，但烤鱼意外地出色😍如果两个人黎食，其实叫一条烤鱼加两三串串烧都够哂。估唔到屋企附近开左间咁正既串烧店，以后宵夜又多间选择🤣
继续阅读