彩虹煮意 (已結業)

今日入屯門朋友，朋友介紹附近有間不錯西餐，立刻試下，結果極有驚喜呢間係小店，座位只有十數個，入到去位侍應都好好招呼，第一個印象已經唔錯。是日餐湯，可以叫沙律既，呢個湯好香磨菇味主菜，牛肩扒拼龍蝦尾，呢個好好好好食，一切其實已經知一定好掂！因為係一切到尾，完全唔洗鋸，食落口牛味又夠肉又口淋，完全冇渣！龍蝦夠入味，亦夠香。呢個菜就已經可謂值回票價墨魚汁海鮮意粉，帶子夠大粒，但就煮到剛剛好，意粉夠味個汁亦好配合。掂最後係呢個甜品，朱古力蛋糕，我一向對甜品麻麻地，但呢個好好口感，因為中間個層朱古力慕士好香濃，配上頂個舊雪糕令個蛋糕凍凍地。好好食最後同大廚傾幾句，發現間野完全係家庭式小店，大廚係丈夫，侍應係太太。之前高級餐廳大廚，但因工作地方太遠故此晌屋企附近創業，希望方便照顧小朋友，真係好有心。又好食，又有心，有好招呼！一定會再有下一次。亦希望介紹比各位，支持一下，因為真係唔錯